Bangladesh ram chungah ralzam sinak in a dor cuahmah mi hna Rohingya miphun hngakchia kum 12 Nute cu Bangladesh cozah ralkap nih an mah um nak camp inn chung lila ah ningcang lo in an va tleihhrem tawn tiah theih a si.hi thawngpang konghe pehtlai in an mah Bangladesh ram mi hna nih an chim ningah cun Rohingya hngakchia nu kum 12 te cu an mah telawng inn ah a um tawn i,cu lio ah cun a cozah ralkap minung pathum hna nih an rak tleihhrem peng tiah October 3 ah report an tuah.
Kum 12 nute i a upa nih cun Sep 29 lio ah khan kan mah ralzam kan um nak inn chungah ka Nau he cun kan um i,cu lio ah cun Bangladesh cozah ralkap minung pathum an rak ra,kan inn chungah cun ka Nau cu an pathum in an tleihhrem,kan nau cu a t’ap len na in a kaa an huh dih i cawlcang kholo in an tuah hnu ah an tleihhrem hi a si tiah a chim.
Hi tleihhrem nak konghe pehtlai in Bangladesh ram chung um mi ralzam kongah rian t’uantu hna le thawnglatu tampi hna nih an chim ningah cun hi thil hi a taktak a si ko ah cun Bangladesh cozah cu vawlei pi huap in an cungah dantat nak a chuak kho.zeicatiah hi thil an tuah mi cu vawlei pi phunghram kalh a si pin ah Nu hrin covo zei ah an rel lo ti nak a si tiah an chim.
Cun, an tleihhrem mi Rohingya hngakchia kum 12 Nute cu Bangladesh, Cos Bazaar sizung ah check hlatnak an tuah na in a result zei hmanh chim phuan a si rih lo.a zohtu hna sibawi te zong nih zei bia hmanh an chim phuan duh rih lo tiah theih a si.UN zong nih hi thil kongah a chim mi cu Rohingya hngakchia Nu tleihhrem nak kongah dothlatnak biatak tein kan tuah lai.cun, a ngandamnak konghe pehtlai in kan bawmh lai biafiang kan thei khawh nak hnga kan i zuam lai ti an chim ruangah Bangladesh ram ralzam um nak hmun vialte mobile phone le internet vialte phih piak t’han an si tiah an chim.
Credit:chindwinpost
