Bawipa Kan Lei Ah A Tang Ko CDF Thantlang Le CND Nih Thantlang Ralhrang Minung Sawmthum An Thah Ve Hna

Thantlang Khuachung Kahdohnak ah SAC Ralhrang 30 an Thi.CDF le CNA fonh in September 18, zing 10:00 in zaanlei 4:00 tiang Thangtlang khuachung ah kahdohnak a chuak i SAC ralhrang lei in minung 30 an thi i CDF/CNA lei in hliamhma tuarmi kan um lo, tiah Chinland Defense Force nih cathanh a cuah.

Thantlang Innkangh le Pastor Pakhat Thih Kong he Pehtlai in CBC nih Cathanh an Chuah.Nizaan (September 18) ah a cangmi Thantlang khuachung innkanghnak le pastor Cung Biak Hum meithal in kah a tonmi kong ah Chin Baptist Convention (CBC) nih hin zinglei ah SAC ralhrang cung ah mawhchiatnak le duhlonak cathanh an chuah.Credit: The Chin Journal

Relchap: Tuanbia thar AUKUS!AUKUS cu “Australia, UK le US’ tinak a si i, US nih China zia a ngiat tikah ttih a nung chin lengmang caah, China khamhnak caah tiah timhlamhnak security program a si.

US nuclear fimthiamnak cu Australia sinah an pek lai i, Australia nih Rili tang ah saupi a um khomi, “nuclear-powered submarines” an ser lai.An ser dingmi Nuclear- power submarines hi Rili chung ah saupi a um khomi a si lai pinah, ai thup khomi, AI/ technologies in sermi, hriamnam ngampipi a kap khomi le, hriamnam tampi aa phawr chih khomi a si lai ti a si.

Nuclear technology fimthiamnak hi US nih UK sin lawngah a pek bal i, Australia sinah a pek hi, atu a voi khatnak a si. Australia nih UK le US he AUKUS hnatlaknak an ngeih bak in, France sinah submarines 12/ Diesel engine $66 billion man cawk an timhmi an tthulh tthan caah, France nih an thinhunnak an langhter. China nih a thinhunnak an langhter ve.

Credit:Zasang Cinzah

Author: Salai Ephraim