Asia ram chung khuapi pakhat a si ve mi Laos khuapi chungah cun Bazar meh hang a zuartu hna nih cun an thingthei zuarmi le meh hang an zuarmi pawl hna cu hninghno tein an um khawh nak ding caah ti in si an chunh hna tik ah meh hang a cawtu hna nih cu si an chunh mi hna cu cikhat an vun zoh ah cun a hninghno tuk mi ah an rel tawn i ceilak an cawk tawn hna i Bazar ah thil a zuartu hna nih an thil cu an manh taktak tawn tiah an chim.
Laos khuapi chung Bazar thil zuartu hna nih an thil zuarmi ah si an cawhmi hi (Aflatoxin) ti mi si an cawh.cun Aflatoxin si hi minung nih kan taksa chungah a lut ding mi thingthei ah cun cawh phung a si lo i,thingthei le tisik-anhnah pawl an t’hat nak ding ca i rungrul nih a ei nak hngalo vennak caah an ser mitu a si.thingthei a tlai hna le ti-sik anhnah bantuk pawl ah hi si kan kah a si ah cun minung kan taksa chungah poison ah ai cang i thih khawh a si tiah an chim.
Zahan ah khan Laos khuapi chungah a um mi chungkhar pakhat hna nih cun Bazar ah an zuarmi pa/eimi pa Mushroom cu an va cawk i meh ah an tuah.rawl an ei dih hnu suimilam 6 hnu ah cun an chungkhar bak in zei hmanh theilo in an um i,an inn pa hna le hawi kom hna nih an taksa cu vawlei ah an phum hna i si an chumh t’han pin ah si-ai a t’ha mi tampi hmang in anthlop hna.asinain zei hmanh santlaih dawh a si lo tiah an chim.
Note: Pa/eimi Pa ‘Mushroom’kan i ei sual tik ah a t’ha cem mi si hna cu,”ei sual ti kan vun theih bak cun a ran nak i chiti no khat(a cut of oil) a ran nak in din piak khawh ah cun rian rang tein chanh khawh an si.cun chiti a um lo a si ah cun fakpi in kan dangfir kha kut dong in tawh khawh le purh piak khawh i rian rang tein kan luat khawh zawkzawk nak hnga tuah khawh a t’ha cem”tiah an chim.
Source: Deirel News
