Tuzing ah Pakistan ram chung khuapi a si mi Balochistan khuapi five-star hotel ah mi pakhat nih meithal bak hmang in hmuisel in a sel hna na in minung pakhat lawng a thah khawh hna i minung zei maw zat nih hliahma an tuar t’han tiah Balochistan palik hna nih an chim.
Cun an kah mi pa hi civil mi si lo in Balochistan palik officer tu a si tiah an chim.Balochistan khuapi five-star hotel ah hin ramdang mikhualtlawng tampi an um nak hmun a si i cu ramdang mi hna lak ah cun China sumdawng pawl tam lak te an um nak hmun a si caah,Muslim pawl hna nih rawl ulh thlacam (Ramandan) an awt lai te khan ralhrang pawl hna nih kan kah lai tiah an rak chim cang mi hmun kha a si tiah an chim.
Cun Balochistan Liberation Army ralkap pawl hna nih five-star hotel cu an ven ruangah cu five-star hotel a vengtu palik officer pakhat tu cu an kah i a chung ah a um mi,ramdang mi hna cu him tein an um kho tiah an chim.hi five-star hotel he a pehtlai mi China investment pawl hna nih cun ralhrang hna nih kan mah hi thah le kah an kan timh mi cu kan si.
Khi five-star hotel ah a um mi hna an mah Pakistan mi pawl hna cu thah an timh mi hna an si lo pin ah an target zong an si fawn lo tiah a chim.cun hi five-star hotel ah a um mi Pakistan ram mi hna cu ralhrang theihlo mi pa nih hin thah duh hna seh law tam tuk a kah manh hna lai,a si na in midang kap lo in ramdang mitu a kan thim nak tu ah palik officer pakhat hi a kah mitu a si tiah an chim.
Cun hi ralhrang pa hi khuaizei ralhrang dah a si ti cu fiang tein an thei kho lo,a si na in Zaver Pearl-Continental nih a chim ningah cun Taliban ralhrang si dawh a si tiah an chim. hi ralhrang pa he pehtlai in Pakistan security force pawl hna nih dothlatnak an tuah cuahmah lio tiah an chim.
Source: BBC