Hawi dawt, zinglei khua a hung dei cun leng ah chuak in na khuallam na thawk cang lai. Ni khat chung na tuah ṭuan awk a simi ah na cawlcang cang lai. Cucaah cun thilrit lo le lungdai hnangam tein le lungnuam tein kan um khawh cio nakhnga caah Facebook tlang cung cawnpiaknak ca ka vun ṭial.
1.Mit pahnih kan ngei, kan mit hi midang sual kawlnak le sual hmuhnak ah hman lo ding a biapi tuk. Asinain thil zei paoh cang ai kun a ṭhatnak leikap in hmuh khawhnak i kan hman khawh ahcun a ṭha tuk.
2.Hnakhaw pahnih kan ngei, kan theihmi bia paohpaoh ruangah thinhun riangmang in mi cungah lehrulcham duhnak lungput kan ngeih lo ding a biapi tuk. Asinain midang harsat retheih ruangah le bawmchantu hngak in an ṭah aihramnak thawng theih khawh nakding i hman ahcun a ṭha tuk.
3.Kaa pakhat kan ngei, midang sual kawlnak le chimphuannak le mi kong ceih, mi mualphoh nakding ah kan hman lo ding a biapi tuk hringhran. Asinain dinnak kha ṭanh in bia dik chimnak le phuannak ca i hman ahcun a ṭha meisei. Kan kaa hi bia dik chim nakding caah thilrit si hrimhrim hlah seh.
4.Kut pahnih kan ngei, kan samh tikah midang a hnursuangmi le fahnak a petu dingah kan hman lo ding a biapi taktak. Asinain kan kut kan samh tikah midang bawmhchanh nakding ca le midang ṭhat nakding ca i kan samh a si ahcun a ṭha khun.
Cucaah cun lungnuam tein um na duh maw? Hihi tuah chun ve hmanh, nifatin na nunnak lamthluan ah lunglawm te le lungdai hnangam tein na um ko lai.Dinnak kha a cat lomi tiva bantukin luanter camcin ko u (Amos 5:24).
Credit:Biak Lian Thawng
