Boxing minthang Mike Tyson nih cun Floyd Mayweather cu a cak a cak an ti le a ruam a kai cang.Floyd Mayweather cu khualak ka vahveihnak hmun sawhsawh hmanh ah a mah cu ka ngamh i a tei zawng a ka tei fawn lai lo.cawlcang kholo in ka phomh lai tiah a chim.Mike Tyson hi kum 53 a si cang i boxing kun chungah Floyd Mayweather he vun i phomh dingah cun mipi nih zei ah an rel ti lo. Floyd Mayweather nak in a der deuh cang lai tiah an zumh.
Asinain Mike Tyson nih a chim mi cu American boxer pawl hna konghe pehtlai in vawlei pum huap in boxing kun chungah i phomh ding hei si sehlaw kei nih cun Floyd Mayweather he i phomh dingin ka thim lai.zeicatiah cun a mah he kan i phomh a si ah cun a cawlcangh ning mi a phomh ning a kuat hna cu ka theih dih caah kei sin ah cun a cawlcang manh lai lo tiah a chim.cucaah kei sin ah cun Floyd Mayweather cu zei hmanhlo bantuk men a si lai.
Cun,kei cu kum khua lei in Upa ka si cang caah kei mah nak cun Floyd Mayweather cu a liklak deuh ko hnga i point zong tam deuh a hmu ko lai.a mah belte teitu sinak cu kei mah kut ah a um ko hnga tiah a chim fawn.Mike Tyson nih hin 2005 lio khan boxing lei lentecelhnak hi a rak mak cang i boxing a phomh chungah voi 50 cu tei nak a hmu i voi 6 cu a sung ve.
Mike Tyson nih cun kum 2005 lio in boxing lei lentecelhnak cu ka rak kal tak cang na in caan karlak ah a hlan i ka rak thiam mi nak khan a tu ah cun ka thiam deuh cang i cu hlan bantuk ka si ti lo tiah a chim.cun,Mike Tyson nih hi ti bantuk in bia a chim nak a ruang hi Floyd Mayweather nih vawlei cung ah a ho hmanh nih a ka teitu an um ti lo tiah bia a chim ruangah Mike Tyson nih Floyd Mayweather cu a mah pumpak in lehnak ka tuah mi a si tiah a chim.Floyd Mayweather nih vawlei cungah ka cak cem tiah a chim mi hi ningzak a si Muhammad Ali hmanh a tluk rih lo tiah a chap rih.
