Brazil cozah nih cun United Nations High Commissioner for Human Rights rian t’uantu hna le Chile president hlun Michele Bachelet hna nih Brazil police pawl hna rian t’uan nak le an cawlcangh ning kongah thawngthanhnak an tuah mi cu ningcanglo thil an si tiah a chim.Chile ram hi South America ram chung khuapi a si.Chile president rian hi Mr.Michele Bachelet nih caan saupi chung a rak t’uan.
Cun,Chile president hlun Michele Bachelet nih hin Geneva ah interview a tuah nak ah hi ti’n a chim,”Brazil palik pawl hna nih cun an mah ram chungmi hna sin ah hriamnam le ningcanglo in an thazaang an hman.mah hi ram pakhat a si mi nih a ram chungmi hna sin ah mah bantuk in hriamnam le an nawlngeihnak ningcanglo in an hman awk a si lo”tiah a chim.
Brazil ram chungah hin August thla chung vialte ah khan an ram chungah (human rights) Nuhrin covo rian a t’uantu hna cu biatak tein an doh hna i minung tamlak te an an hliam hna.cun,Brazil palik pawl hna nih cun an mah ram mi hna sin ah nawlngeihnak an tingmi hna cu Brazil ram mi hna cungah kan duh ah cun an nun nak lak khawh nak nawl kan ngei tiah an chim.
Brazil palik pawl hna nih an ram mi hna cungah mah bantuk in nawlngeihnak an hman mi cu ningcanglo thil a si.ram mi pakhat khat nih phungbuar in thil t’halo an tuah a si ah cun phungning zulh in misual hna cungah rian t’uan awk a si.Brazil palik pawl hna nih a ram mi cungah an tuahser nak hna cu Nuhrin covo zei an rel lo biatu a si tiah a chim.hi ruangah Brazil president rian a t’uan cuahmah mi Jair Bolsonaro nih cun Michele Bachelet nih kan cozah a kan doh i misual mi hna lei ah a dir tiah a chim.
Source: BBC