Brazil ram Para state chungum Belem Zu dawr ah mi pakhat nih meithla in ken in Zu dingmi minung hlei khat 11 bak an kah hna.hi hmun ah hin a luan cia March thla chungah khan buaibainak a rak chuak cang i Brazil defence pawl hna nih biatak tein an kil ven ko na in ralvengtu defence pawl hna theihlo karlak ah mah thil hi a chuak mi a si tiah an chim.
Cun Local media pawl hna nih an chim ningah cun a tu i meithal in a kaptu hna nih hin March thla lio thil a cangmi kongah i pehtleihnak a nei lai tiah an zumh.meithal keng in a kaptu hna hi mizei a si zong theih a si lo i zei bantuk minung a si zong theih khawh a si rih fawn lo tiah an chim.
Local palik pawl hna nih cun kan hnung zarh Ca cawn ni ruk ni ah khan Belem Zu dawr pawngah a um mi Vanda’s zu dawr ah mi zei an si theihlo mi hna cu moto”car” in an hriamnam he an rak tlung i an dih lak ah minung pa sarih an si tiah an chim.
Cun hi thil a can lio bak an mit in a hmutu hna nih an chim ningah cun mi pakhat nih meithal cu a ken i Zu dawr ah a t’hu mi hna cu a kah hna i Nu pa 5 le Pa pa 6 a thah hna hnu in khua zei lei a kal zong theih a si lo tiah an chim.
Governor of Pará state Helder Barbalho nih cun hi mizual i kan hnung lei thil a tuahtu he khan a khat mi a lo,mi zei a si theih hmanh hlah usih law kan kawl cuahmah ve awk a si tiah a chim.
Source: BBC
