American ram nih kum 16 chung bak an phunghram ah an tel duhti lo mi sualnak ruangah nun chung/ thih hlanlo thong thlak nak cu a thar in hman t’han a si lai tiah an chim.kum 2003 tiang kha American ram nih sualnak ruangah dantatnak caah thih hlanlo thong thlaknak phunghram cu an rak hman peng.asinain American Federal cozah nih sualnak ruangah minung thih hlanlo hrem le thongthlak nak cu a duh lo i,hmanglo dingin an rak hlawt cang.
Hi konghe pehtlai in July 25.2019 zan ah American Attorney General William Barr nih cun hi tin a chim t’han,”American ram nih kum 16 chung bak an hman ti lo mi le phunghram zongah an tel duh ti lo mi Death Penalty/Sentence cu hman t’han a si cang lai” tiah a chim.cun,American ram nih hi phunghram a rak hman lo nak a sullam cu US Federal cozah nih hmangti lo dingin biachahnak a rak tuah ruangah a si tiah a chim.
Asinain a tu ah cun cu phunghram hmang ti lo dingin biachahnak a rak tuahtu hna Federal phunghram chungah telchih t’han a si i, Federal phunghram nih a kalpi ning dingah cun sualnak ruangah thih hlanlo” Death Penalty/ Sentence”pek dingmi hna hi “Capital Punishment “tiah an kawh cang lai tiah American Attorney General William Barr nih cun mipi hna sin ah thawngthanhnak a tuah.
American Federal phunghram nih “Death Penalty/Sentence”hman t’han dingin biachahnak atuah ruangah a tu lio i Federal thonginn ah a tla cuahmah mi hna chungin minung 62 renglo hna cu “Death Penalty/Sentence”pek dingmi an um tiah a chim.cun,”Death Penalty/Sentence”pek dingmi hna hi ningcang lo in kum tlinglo a tleihhremtu, mithah lainawng, mi va tleih i ningcang lo in an taksa t’ee a fir piaktu hna le sual er-let bak in a sualmi hna pek an si lai tiah a chim.
Source: BBC