Vawlei cung mipi nih kan i ngeih cio mi le kan i hngakhlang ngaingai mi Brandon Vera le Aung La N Sang an i phomh nak ding a velchum hrawng hna cu October 12 zing suimilam 8:00 in a tu tiang Typhoon Hagibis thlichia nih a den ciammam i inn lo tampi a rawk pin ah ti nih inn lo zei maw zat a khuh dih tiah theih a si.a bik in tuchun tiangah Typhoon Hagibis nih a den nak hmun hna hi Japan ram Chibaken Ichiharashi velchum hna cu um nak a t’halo bak in thlichia nih a den.
Hi tibantuk in Japan ram ah Typhoon Hagibis thlichia le tilet a chuah hi kum 1958 lio ah voi khat te Japan ram chung a si mi Kanto le Izu archipelago khua ah a rak um bal i minung 1200 renglo an rak thih pin ah inn lo tamlak te a rak rawh,cu hnu in a tu hi a voi khat nak a hungchuah t’han a si.a tutan thlichia le tilet a chuak cuahmah mi zong hi zei tik tiang dah a hran lai tiah theih khawh a si rihlo tiah an chim.
Asinain hi Typhoon Hagibis thlichia le tilet konghe pehtlai in Aung La N Sang nih cun hi tin a chim,”Japan ram ah zei bantuk thilchia le tilet hmanh hrang hmanh sehlaw October 13 zinglei in cun One Championship a ngeitu hna nih One Century programe zaangleknak cu kalpi t’hiamthiam dingin biachahnak an tuah”tiah an mah Facebook hmangin mipi sin ah thanhnak a tuah.
Cu pin ah Kawlram aihawh in kei mah Aung La N Sang le Phoe Thaw hna cu One Century programe zaangleknak ah kan itel lai tiah a chim fawn.Phoe Thaw hi kawlram suimilam in zinglei 7:00 ah a phomh ding a si lai.cun,Aung La N Sang le Light Heavyweight Brandon Vera hi zanlei suimilam 5:00 ah (myanmar time) ah a phomh ding kan si tiah a chim.Brandon Vera le Aung La N Sang cu One Century programe zaangleknak a donghnak ni ah a tong dingmi an si.
Source: Reuters