Russian FSB nih a chim ningah cun ISIS ralhrang pawl minung 5,000 renglo hna cu Afghanistan ram pawng a si mi(CIS border )ah an i pum hna i,hriamnam t’ihnung tampi an i ken hna tiah a chim.cun hi ISIS pawl hna chung in micheu khat hna cu Syria ram chungah a um mi ISIS pawl hna an si fawn tiah a chim.
Chief of ex-Soviet intelligence hruaitu Alexander Bortnikov nih cun ISIS pawl hna nih a tu bantuk in CIS border ramri ah cawlcangh i tim in an i hngah cuahmah mithil hi Afghanistan ram le a veel chum um mi ram hna caah cun t’ihnung ngaingai a si tiah a chim.
Cun hi ISIS pawl hna nih hin Syria ram chungah luh i cu hlan i ralzam sinak in Syria ram chungah khua an rak sak mi bantuk khan um i tim t’han hna sehlaw a lo cem tiah an chim fawn.
Cun ISIS pawl hna cu Northern Africa ram chung le Southeast Asia ram chung hmunkip kakip ah an i t’hekdarh cang i hmun khat khat ah i dor nak an nei lai.cun ruahlo pi bantuk in ral a tho kho mi dirhmun ah an cang peng rih tiah an chim.
Source: BBC
