North Korea le America cu a rauh hlan ah Sweden ram khuapi Stockholm chungah Pyongyang nuclear programme hriamnam konghe pehtlai in hmai tonh ton biaruahnak ngeih dingin biachahnak an tuah. asinain cu ton biaruahnak ah itel dingin North Korea nih a thlah dingmi hna Palai pawl hna sin ah America nih cu bantuk kha bantuk in nan cawl cangh awk le nan t’hutto awk a si lai tiah an chimh mi hna cu an duhlo ruangah North Korea nih US cu a hnawl t’han rih tiah an chim.
October 5 ah khan America palai le North Korea palai pawl hna cu suimilam 9 chung bak ton biaruahnak an ngei.cu ton biaruahnak ah cun North Korea lei in North Korea top negotiator le chief nuclear negotiator Kim Myong Gil hna zong an itel.asinain North Korea nih cu hlan ah Trump sin ah an rak chim mi bantuk in zei dang thil sersiam hlei lo in remdaihnak ser dingin an chim t’han caah America nih cun North Korea nih a thinlung kel in rian t’uan a duh peng caah an mah he ton biaruahnak ngeih cu hnawl t’han a si tiah thanhnak a tuah ve.
North Korea hruaitu Kim Jong Un nih cun America he Ca buaicung ton biaruahnak ngeih le remdaihnak ser cu a herh taktak mi a si na in America nih North Korea cu a mah kee tangah chiah le umter an kan timh caah cucu thil si kho lo mi a si.cu bantuk ruah nak cu America nih North Korea cungah thinlung a pu lai tiah kan ruat bal lo.American nih kan cungah a ruahnak le a thinlung put ning a thlen hlan cu an mah he ton biaruahnak ngeih kan duh ti lo tiah North Korea embassy thawnglatu hna sin ah a chim.
US state department Morgan Ortagus nih cun North Korea palai pawl hna sin ah America nih cun thinlung thiang tein le ruah nak t’ha keng bu in an mah he ton biaruahnak ngeihpi dingah timhcia kan si.a mah belte North Korea nih ruahlo pi bantuk in biachah cangmi a hnawl t’han mi belte cu thil poi taktak a si.asinain a tu hnu zarh hnih hnu ah Sweden nih America le North Korea hna cu ton biaruahnak an ngeih khawh nak dingin timhlamh nak tuah a tim. Sweden nih a timh lamhnak cu America zong nih a lungtlin pi cawlh tiah an chim.
Source: BBC