North Korea ram nih cun America he sweden ram khuapi stockholm khua chungah Ca buaicung ton biaruahnak ngeih dingin biachahnak an tuah mi cu a hnawl t’han hnu in October 9 ah America le Europe ram t’hen khat hna cu fak lak in a hrocer t’han hna.North Korea nih cun a thawh i, United Nations Security Council ah North Korea, Pyongyang missile test hriamnam hneksak nak kan tuah mi kongah United States, Britain, France le Germany ram hna nih nan mah thu in ceihkhan nak tuah nan timh.
Cun,North Korea nih hriamnam hneksak nak kan tuah mi kongah nan mah nih nan duh ning paoh in biachahnak le kan kong nan kan ceih awk a si lai lo.nan duh a si ah cun North Korea ram kong si lo in thil dangtu nan ceih awk a si deuh.North Korea ram kong hrimhrim nan ceih lai lo.zeicatiah nan mah thu in biachahnak nan kan tuah piak mi hna cu North Korea caah kan hriamnam t’ha bik tu a si lai tiah a chim.
North Korea UN Ambassador Kim Song nih cun North Korea ram kongah UK, France, Germany hna nih rian an t’uan ning cu a thli in America he thil tuah an i timh mi a um ti cu a fiang tiah a chim.United Nations Security Council chungtel member 15 hna nih cun nai te i North Korea nih ballistic missile test hneksak nak a tuah mi ruangah lakhruak ton biaruahnak cu nizan ah khan an tuah.
Cu lakhruak ton biaruahnak ah cun North Korea UN Ambassador Kim Song nih cun North Korea nih hriamnam a hneksak nak kongah UN Security Council nih thil pakhat khat biachahnak a tuah piak hna a si ah cun North Korea nih an ram humhimnak ding caah thil pakhat khat tuah an i tim t’han rih pin ah a tu nak tam in North Korea nih a hriamnam hna cu hneksak nak tuah cuahmah t’han a timh tiah a chim.Nort Korea hruaitu Kim Jong Un nih cun United Nations Security Council hna sin ah zei dah ka tuah lai ti cu nan mit in rak cuan ko uh.North Korea nih zei dah a tuah khawh ti cu nan i fiang lai tiah a chim.
Source:BBC
