Breaking News: Russia Cozah Nih Tichung Raltuknak Tilawng A Neihmi Cu Ruahlo Ah A Kangi Minung 14 Bak An Thi

Russia cozah nih a raltuk nak hriamnam hna lak ah a uanthlar pi ngai mi tichung raltuknak tilawng ( Russia deep-sea submersible ) cu ruahlo pi in a kang ciammam i a chung rian t’uantu a ralkap minung 14 bak an thi tiah an chim.cun,a tu ah a kang mi tichung raltuknak tilawng hi Russia cozah nih a kawh ningah cun a min ah “Russia nuclear powered vessel”tiah a ko mi hna zong an um ve.mah hi Russia nih a hriamnam vialte hna lak ah aa zohtla ngai mi hriamnam a si.

Russia Defense Ministry & Putin photo.

Cun,Russia nuclear powered vessel or Russia deep-sea submersible tichung raltuknak tilawng a kangh nak konghe pehtlai in thawnglatu hna nih an chim ningah cun a cozah nih rili tawne ah “secrets mission” thil pakhat khat tuah dingin rian an fial nak hna ruangah hi thil hi a cangmi a si i,zei ruangah dah mah bantuk in thil a si tiah fiang tein theih a si lo,kan theih khawh tawn ah cun a tilawng rian t’uantu minung 14 an thi ti vial lawng kan theih khawh mi cu a si tiah an chim.

Russia nuclear powered vessel photo.

Russia nuclear powered vessel mei kangh nak konghe pehtlai in Russia Defense Ministry nih cun zei ruang hmanh ah si lo in Russia nuclear powered vessel nih rili chung an luh nak ah thlichia zei maw a dawp sual ruangah mah bantuk in mei kangh nak a chuah mi hi a si tiah a chim i,minung zei zat set dah an thi ti le minung pa zei zat nih dah hliamhma an tuar tiah fiang fai tein bia a chim mi a um lo tiah an chim.

 

Cun,a tu tan ah Russia cozah nih a ngeihmi tichung raltuknak tilawng a kangmi hi Russian news agency nih cun a cozah nih a chuankhan ngai mi chungin (AS-12 nuclear-powered ) kha a si tiah a chim.cun hi mei kangh nak konghe pehtlai in bia fiang pakhat hmanh theih khawh a si lo i,Russia president Putin zong nih theih khawh mi neih dawh a si rihlo,zeicah tiah Putin nih cun hi konghe pehtlai in Russia Defense Ministry cu a kawh in ton biaruahnak an neih cuahmah lio a si tiah an chim.

Source: BBC