Tuzing i New York khuapi chungah tuah mi mipi ton buaruahnak hmun ah America president Donal Trump nih cun One Championship zaangleknak ah minthang a si mi kan Unau Kachin Aung La NSang cu America ram mi sinak pek a rak si na in chuh t’han a si cang tiah Trump nih mipi sin ah le thawnglatu tampi hna sin ah a chim.
America President Donald Trump nih cun minthang Aung La NSang cu hi ti’n sual a phawt,”Aung La NSang hi America ram mi sinak cu ningcang tein pek a si ko.asinain Aung La NSang nih hlawhtlin nak a hmuh tik ah America ram mi a sinak cu a philh i America aalan”flag” hmanglo in ramdang aalan”flag” (Myanmar thantar) tu i thlir in a cawlcangh mi cu America ram caah santlaihnak zei hmanh a ngeilo pin ah America ram conglomhnak caan hmanh a thei lo”tiah Trump nih mipi sin ah a chim.
Cun,America President Donald Trump nih a chim t’han rih mi hna cu Aung La NSang cu American ram chungah him tein umter a si.Aung La NSang minthang ah a chuah nak hna zong hi American ram chungah a cawnmi hna le a thiam mi hna hmang in mi dang a tei khawh nak hna hi an si.asinain Aung La NSang nih American ram mint’hat ter lo in ramdang (Myanmar) ramtu a conglomh mi cu Aung La NSang nih America ram mint’hat ter a duhlo bia a si tiah a chim.cun,Aung La NSang nih a ngeihmi American ram mi sinak chuh a si mi hi a rauh hlan ah Myanmar cozah sin ah chim phuan nak zong tuah a si lai tiah a chim.
Aung La NSang nih teinak a hmuh kip ah voi khat hmanh America ram thanhtar”flag” iput in America rama conglomh nak kan hmu bal lo.hi thil nih a fianter mi cu Aung La NSang hi America ram caah zumhtlak a si lo zia a langhnak a si tiah a chim fawn.cu pin ah Trump nih cun America ram chungah a um mi ramdang mi hna minthang pawl hna le mi thilti kho a dangdang hna zong America ram mi sinak ngei hmanh hna sehlaw America ram caah t’hat hnem nak le zumhtlak an sinak kan hmuh hna lo mi paoh cu hmailei zongah an caah ruahchan nak a tlawm chin lai.a sining hoih in America in ramlengah t’hawl dawi an si lai tiah Trump nih thawnglatu le mipi hna sin ah a chim.
Credit: chindwinpost
