America president Trump nih Iran he ton biaruahnak ngeihpi dingin aw-ka a thlah mi cu Iran parliament pawl hna nih an hnawl piak t’han hnu ah Sep 9 zingah Iran president Hassan Rouhani nih hi tin a chim t’han rih.Iran nih nuclear hriamnam a ser kkhawh nak ding caah France nih zei hmanh a bawmhchanh duh lo zongah Iran nuclear research le development cu ram a vak cang lai.cu ram an vah mi cu Iran nih tlamtling tein nuclear hriamnam a ser khawh nak ding caah a si lai tiah a chim.
Cun, Iran nih kum 2015 lio ah rampi tampi hna he phungning tein nuclear deal cu rak tuah a si.asinain America ram ruangah buaibainak tampi a chuak i,cucaah Iran nuclear deal 2015 lio i nuclear research and development activity rak dirh mi hna cu rian t’uan kho lo in buaibai peng a si caah 2015 joint Comprehensive Plan of Action cu Iran nih kan hnawl cang tiah a chim.
Iran nih Nuclear hriamnam a ser khawh nak ding caah hna hnawt luri thil a si mi vialte hna cu Iran nih kan hnawl dih i,pehzulh kan i tim ti lo.a mah belte cu Iran nih Nuclear hriamnam a ngeih khawh nak ding caah ramdang mi hna thazaang le rian t’uanti nak kan herh lo caah a tu thok in Iran nih rian t’uan nak lei kan i sermi,” Atomic Energy Organization of Iran”nih kan mah tein rian kan t’uan cang lai tiah a chim.
Iran president Hassan Rouhani nih hi tibantuk in thawngthanhnak a tuah mi kongah America nih cun zei tik hmanh ah Iran le America ram karlak ah cun remdaihnak um khawh dawh a si ti lo tiah a chim.Iran nih 2015 lio ah nuclear deal a tuahpi mi hna ram cu hnawl hmanh hna sehlaw.a mah pumpak lawngin nuclear hriamnam ser a timh peng a si ah cun a hlan nak in thil t’halo a chuak tam deuh lai tiah ruah a si.
Source: BBC
