Breakingnews: Pumpululh Chuih Thiam Neymar Nih Nu A Tleihhrem Ning Cu Dah Ngak A Mak Ko

Vawlei cung pumpululh chuih thiam minthang Brazilian football star, Neymar cu Nu pakhat nih ningcanglo in a ka tleih hrem tiah tava a cuai.Nu nih a chim ningah cun Frence khuapi chung Paris Hotel ah ka duhlo bu bak in Nuva sualnak ningcanglo in a ka tuahpi caah taza cuai a si lai tiah Instagram chungah thawngzamhnak a tuah.

 

Mah bantuk in pumpululh chuih thiam minthang Neymar kongah Instagram in thawngzamhnak a tuahtu hi a min langhter a si lo caah Pu. Neymar nih cun,”mah Nu nih a chim mi hna cu a hman lo mi a si,Nu zei hmanh cu bantuk cun ningcanglo in Nuva sualnak ka tuahpi hna in ka tleih hrem bak hna lo”tiah a chim.

Asinain Nu nih cun Neymar hi cu hlan ah cun a min lawng ka theih na in a mui zong ka hmun bal lo,France ram khuapi a si Paris khuapi chungah voi khat cu kan i hmu i hotel ah ningcanglo in a kan tleihhrem hnu in Brazil in France ram kal nak ding vanlawng tiget (air ticket) zong a ka lak piak tiah tehte he a chim.cun Hotel chungah cun a ka riahpi i cawlcang kho lo in Zu a ka dinh.cun Neymar nih mah bantuk in a ka tuah lio hi May 15 lio ah khan a si tiah a chim.

 

Hi konghe pehtlai in French police pawl hna nih cun dothlatnak an tuah tik ah Nu nih Neymar nih a ka tleihhrem a ti lio caan le suimilam vialte hna cu Neymar,Paris khuapi chung a um lio caan he a khat dih,a mah belte Neymar nih mi zei hmanh ka tleihhrem hna lo tiah a chim ruangah dothletnak tuah t’han a si lai tiah an chim.cun hi thil ruangah Neymar nih pumpululh training a tuah cuahmah mi zong a mak tak tiah an chim.

Source: BBC