Sep 4.2019 zinglei suimilam 4 hrawngah Kuatkhine motor lampi ah a dirmi motor 7 hna cu mi zei an si tiah theihlo mi Tlangcung hriam tlai pawl hna nih mei in an khangh piak dih hna tiah theih a si.a mah belte hi tibantuk in motor 7 bak mei in an khanghtu hna hi Tlangcung mi hriam tlai pakhat khat cu an si ko na in mi zei set dah an si tiah theih khawh a si rih lo tiah an chim.
Cun, hi hriam tlai pawl hna nih motor an khangh pah ah hin an chim mi cu,”cuhlan chung vialte kan in zoh cang hna i nan duh paoh in ritnaksi le thil t’halo nan phur,cucaah a tu rithawk cun kan in zoh sawhsawh ti hna lai lo.a tu bantuk in kan in khangh dih cang hna lai”tiah an chim pah.hi tibantuk in bia an chim hi kawlholh fiangfai tein an thiam lo caah zei dang bia an chim mi cu theih khawh a si lo tiah motor mawngtu pakhat nih a chim.
Tlangcung hriamtlai an si ko tiah an chim nak cu meithal le hriamnam dangdang he motor 7 cu an rak bawh i mei in an vun khangh cawlh tik ah motor mawngtu dangdang hna cu an zam dih i,cu lio ah hriam tlai pa pakhat nih a chim mi cu,a tutan ah hi tibantuk in motor kan khang nak a sullam cu ritnaksi le thil t’halo dangdang nan phurh peng ruangah a si ti hi rak thei uh tiah a chim.
Motor mawngtu hna lak in minung pakhat nih a chim ningah cun a tutan ah hi tibantuk in kan motor a kan khangh piaktu hna hi Tlangcung mi hna lak ah hriam tlai pakhat cu an si tiah fiang tein ka theih.cun, Tlangcung hriamtlai mi hna lak ah hmanh kawlholh an thiam i,an chim mi cu zei hmanh theih khawh a si lo tiah a chim.Credit:chinfuture.
