Brexit Deal Ruangah British House Of Commons Leader Andrea Leadsom Nih A Rian A Kaltak

Brexit deal konghe pehtlai in Prime Minister Theresa May le a rian t’uanti hawi le hna nih an i ruah ning bantuk in remdaihnak zei hmanh an sersiam khawh lo caah Theresa May hawi t’ha a si mi British House of Commons hruaitu Andrea Leadsom nih cun a rian a t’uan cuahmah mi cu a kal tak tiah an chim.

Cun British House of Commons hruaitu Andrea Leadsom nih a tu bantuk in a rian a chuah tak mi hi Prime Minister Theresa May rian t’uan ning a zumh lo caah a si zei tik hmanh ah Prime Minister Theresa May nih Brexit deal kongah a timh mi cu a tling kho dingmi a si lo tiah a chim.

 

Ca cawng nithum nili ni ah khan Brexit deal kongah remdaihnak a thar sersiam t’han dingin ton biaruahnak cu an nei t’han.asinain hi lio ahConservative le Labor member pawl hna cu nih cun fak taktak in Prime Minister Theresa May le a party pawl hna cu an soisel hna i cu ton biaruahnak an neih dih bak in Andrea Leadsom nih cun a rian cu a kal tak.

Andrea Leadsom nih a rian a kal tak lai ah hin caption a tar ta i Prime Minister Theresa May nih zei tik hmanh ah a timh mi cu a tlamtlinh lai lo zumh awk tlak a si lo tiah a chim ta tiah an chim.

Source: CNN