America le Britain ram hna nih cun Iran ram ta a si mi tanker (Adrian Darya-1) cu a hmu mi paoh nih nan tleih awk a si cang lai tiah nawl an chuah hnu in Syria ram khuapi a si mi Tartus rili cungah hmuh t’han a si tiah an chim.cun,Iran tanker a um nak pawng teah hin Russian navy facility ralkap pawl hna zong an um tiah British Marines tilawng ralkap pawl hna nih an chim.
America le Britain ram hna nih Iran tanker Adrian Darya-1 tleih dingin nawl an rak chuah lio ah hin Adrian Darya-1 tilawng cu Syria ram in Mediterranean rili in khua zei lei a panh ti thei lo bak in nithum chung a um nak theih khawh a rak si ti lo.hi tilawng konghe pehtlai in US Department of Justice nih a chim ningah cun Iran tilawng Adrian Darya-1 cu America kut ah chiah a si cang.rian t’uantu hna nih a herh an ti ningin an cungah rian an t’uan khawh cang tiah a chim.
Asinain British Marines tilawng ralkap pawl hna nih cun Iran tanker um nak pawngah Russian navy facility ralkap hna an um ve caah an cawncangh ning zei set dah a si tiah tehte kan la kho rihlo.a mah belte Russian navy facility ralkap le Iran tanker cu neih niam tein an um tiah an chim.America nih a zumh nak ah cun hi tilawng nih hin Oil 2.1 million man renglo a phurh lai tiah an ruah na in a tilawng cu Satellite in an zoh tik ah a phurh bak ko tiah evidence an hmu kho lo.
President Trump nih cun kan zumh ninh bantuk in Iran tanker nih hin Oil 2.1 million man cu phur hmanh hlah sehlaw Iran ram cungah cun a tu nak fak chin in hremnak kan pek cuahmah ko hna lai.cun, Iran nih a ngeih mi hriamnam lawng si lo in ramleng ah thil a ngeih mi hna le an tilawng si seh,an ngeihmi thil dih lak hna cu bihzoh peng an si.a tutan zongah Iran nih a ngeihmi tanker kongah Russian navy facility ralkap pawl hna i pehtleihnak an ngeih sual ah cun Russia nih thil t’halo taktak a tuah ti nak a si lai tiah a chim.
Source: AFP
