Atu hi kum 30 tluk a rauh hnu lawngah khin kan chinram holh vialte hna lak ah Hakha holhtu hi a bia pi cem te lai. Hakha,Thantlang holh a hmang mi Zotung,Zophei,Senthang,Lautu,Mara le Mindat,Matupi,Kanpalet tiangin Hakha holh dirhtu ah an dihlak in an i fonh kho.asinain Falam nih cuun kan mah Falam(Laizo) holh a hmangtu hna Ngawn, Zanniat,Taisun,Lente,Tapong le Khualsim miphun pawl hna cu hlohtlau kan timh hna i kan t’hawldawi cuahmah hna.
Chinram ah zei holh hi dah hmang usih ti mi cuanhnak ah cun Hakha holh hi cu Mirang,Japan,Korea le China holh thiam duh ah kan cawn bantuk khin hmai lei ah cun Chinram ah Hakha holh hi cawn dih a hau te lai.cun,a tu ah Hakha,Thantlang holh a hmang mi hna nih an mah Hakha holh tein a holhtu hna Zotung, Zophei, Senthang, Lautu,Mara le Mindat,Matupi,Kanpalet etc.tibantuk pawl hna nih pei deuh in an holh hmanh ah an nehsawh hna lo i an cawn piak hna.pakhat le pakhat an i theithiam dih.cucaah Hakha,Thantlang upa pawl hna nih Laiholh dirhtu ah an khumh khawh dih hna an Upa pawl upat awk an tlak taktak.
Asinain kan nih Falam hna nih cun kan mah holh(Laizo) holh a hmangtu hna Ngawn, Zanniat, Khualsim, Taisun, Tapong le Lente miphun hna nih Laizo holh an kan hman hnawh tik ah pei deuh le cafang aw chuah an vun thiam deuh lo tik ah Falam nih kan nehsawh hna i an ningzak lak in le holh ngamlo in kan tuah hna i kan soisel hna.zei dah nan chim duh mi a si ti ah kan hal tawn hna.an Ca t’ial mi tiangin kan soisel hna.a ngaingai tiah cun tuah sual a um i,palh sual a um,t’ial sual a um i,chim sual a um.
Laizo holh in bia an chim i timline ah Ca an t’ial tik ah khua zei Laizo holh a thiam ngai bantuk in zei dah na chim rel duh tiah comment nak in fak lak in kan soisel hna.mah bantuk comment pek le zoh dawh lo bia chim rel a hmang mi hna hi kan mah Falam pawl kan puitling lo biatu a si ramkhel lei rian t’uan nak ah kan nauta tuk rih ti nak a si.kei mah Salai Khum hmanh zong nih Falam Laizo holh Ca ka t’ial tik ah na chim duh mi zei dah a si tiah comment nak in fak lak in an kan phomh tawn.mah hi thinlung te nau kan ti mi cu a si.
By Salai Khum’ Opinion.
