Capital One Bank A Hack Tu Pa Cu Zei Tluk In Dek A Va Chir Hnga Mu A Tuah Hlan A Ngai Taktak Lai

American ram chungah a um mi Capital One Financial Corporation bank cu a data hack piak an si.Capital One Financial Corporation bank a hacktu nih hin $ 106 million renglo cu a lak manh.cun, Capital One bank ah phaisa a chiatu an customers pawl hna hi minung 100 million tluk hi American ram mi an si i,6 million tluk cu Canada ram mi an si tiah an chim.cu vialte customers pawl hna i an account number le Security numbers number vialte hna cu a hacker tu nih fawi tein a lak khawh dih.

 

Asinain hacker nih phaisa a lak manh mi hi $ 106 million tluk hrawng telawng a lak manh tiah an chim.American FBI pawl hna t’uanvo ngeitu hna nih thil sining dothlatnak an vun tuah tik ah Amazon Web Services rian t’uantu chungin engineer Mr Paige Thompson a si tiah an hmuh.

 

Mr Paige Thompson nih hi bank a hack lio ah hin,a hack nak hmun address le phone number hna cu hlonhta lo in a chiah ta ruangah theih a si tiah an chim.Capital One Bank company nih cun Mr Paige Thompson nih Capital One bank a hack mi hna lak ah hin American ram chungmi bank lawngte an si tiah an chim.

 


FBI pawl hna nih Mr Paige Thompson cu an tleih i Western District of Washington’s U.S. Attorney Office ah an chiah. Mr.Paige Thompson konghe pehtlai in Capital One CEO Richard Fairbank nih a chim ningah cun criminal case in tuah piak asi.hi hnu ah cun hi tibantuk thil hi a um ti lo nak ding caah biatak tein rian kan t’uan chin lai tiah statement a chuah.

Source: threat post