CBCUSA Nih Ramchung CDM Caah Dollar Thongzanga Le Thong Kul An Hmuh Cang

CBCUSA GS le President hna nih a tu lio kawlram dirhmun konghe pehtlai in ramchung um le ramleng mipi hna sin ah lunglomhnak bia le forhfial nak bia tampi an chim.mipi nih a tu lio can ah ramchung ramleng in zeitluk in dah kan i lungrual a herh ti le,nang cu Kawl, Lai, Kachin, Karen etc tibantuk i ti can a si lo.kan dih lak in hmunkhat teah Kawl ralkap uk nak a t’halo mi cu kan doh t’i can a si tiah biatak pi an chim.cu an chim mi chungin ramchung CDM caah ramleng mi nih zeitluk indah timhtuah nak le thazaang an pek ti mi zong a langhter.

 

 

 

CBCUSA President Rev.Thawngling Mualhlun nih a chim mi cu a tutan hi CBCUSA ram chungah a voi 4nak thanhnak kan i tuah cang.a voi 4nak tiangah hin khuaruahhar in Pathian nih rian a t’uan i Nu hmei hna hmanh nih an kenret te tiangin CDM tuah nak caah an chuah.cun, rian t’uantu hna zong nih CDM caah ti in suimilam 8 chung rian a t’uan mi kha suimilam 12 tiang rian an t’uan pin ah a hleihluat rian ( Over Times) an t’uan i an hmuh mi paoh Ramchung CDM caah an thawh cuahmah lio a si.

 

 

Khrihfabu kip nih a lamkip in an i zuam cuahmah.Chungkhar le Pumpak zong nih an i zuam cuahmah.Cucaah CBCUSA ram chung hrimhrim nih Dollar’s thongza nga le thong kul, nihin tiang cazin ning tein kan kawlram CDM caah an chuah cangmi a si.hi a chuak michungah hin dollar thong zahnih hrawng cu kan kuat lio a si.cu hlan ah kan kuat cangmi zong a phan cia a um.lampi ah a ra cuhamah mi zong a um ti zong kan vun intheihter hna tiah a chim.

 

 

Relchap: Myanmar Ralzam Pawl Khirh Timh Kong ah Mizoram ah Duhlo Langhternak Tuah Timh.India Center Cozah nih Myanmar ram lei in a rak lutmi ralzam pawl khirh ding in State pali nawl a pekmi hna kong ah Mizoram ah duhlo langhternak March 23 ah tuah an timh, tiah kan theih.

 

 

 

India cozahpi nih Myanmar ralzam pawl khirh ding in Mizoram, Manipur, Nagaland le Arunachal Pradesh cu nawl a rak pek hna.Cucaah, Mizoram upa hna nih, “Kan unau a simi Chin-Kuki-Mizo-Zomi pawl hi an zamtakmi ram ah kan khirh hna ahcun kanmah nih thihnak hmun ah kan kuat tthan hna pei a lawh lai cu” tiah an ti i,

 

 

 

Zo Reunification Organization (ZORO) hruainak nih March 23 ah Aizawl khua ah duhlo langhternak tuah an timh hi a si.Myanmar ralkap nih uknak a chuh hnu in Mizoram lei ah a zaammi minung 400 leng an si cang i mi tam u cu palik le meithat zung rianttuan pawl an si.

 

 

 

Credit: The Chin Journal

Author: Salai Ephraim