CDF Hakha Nih Surkhua Um Mi Pastor Pakhat Le RC Father Pa An Tlaih Hna Nak A Ruang

Surkhua Um Mi Pastor Pakhat Le RC Father Pa CDF Nih An Tlaih Hna.Hakha peng Surkhua Pastor pakhat le CR Fathar tiah mitam deuh nih kan auh mi pakhat cu Hakha CDF nih lampi ah an tlaih hna tiah july 28 thawng kan theih.Surkhua le Hakha karlak lampi ah an tlaih hna hi a si tiah khuami minung pakhat nih Chin World Media ah cun a chim.

A tu bantuk in tlaih mi hna Pastor le RC Father pa cu a herh mi bia kan hal hna lai i kan thlah than te ko hna lai tiah CDF lei nih cun an chim tiah khuami minung pakhat nih cunglei Hakha lei biaknak lei cawn piaktu lutlai sinah a chim.Credit: free online news ( The Green Hill Post page )

 

Relchap: Kani Peng PDF le Ralhrangbu Kahnak Ah PDF An Tlaihmi Hna An Ruak In An Hmuh Hna July 26 zaanlei ah Kani peng Zipinkun le Nyongpintha khua pawng ralhrangbu le PDF i kahnak ah ralhrangbu lei nih meithal ngan le thazaang tampi in an kah hna caah PDF lei hliamhma a pu mi le tlaihmi an um.

Mah hna cu nizaan July 27 ah an va kawl than hna tikah an ruak in an va hmuh hna hi a si. Cheukhat hna cu ralhrangbu nih an thah hna hnu ah vawlei ah an phum ruak 9 le phum lo mi ruak 3, a dihlak 12 an si tiah PDF lei nih an chim.

A thi mi hna cheukhat cu kuan nih a khen mi an si i, cheukhat hna cu hliamhma a pu mi an si lo.Ralhrangbu nih an tuk an velh hna nak ah an nunnak a liam mi a si.Tu thla July 9 le 10 zongah ralhrangbu nih Kani peng Yin khua pawngah a ummi ralzaam hna cu an tlaih hna i, nu pawl cu an thlah hna, pa minung 15 cu a bu in an thah hna tiah khuami nih an chim.

Sagaing ramthen Kani le Shweku hrawng hi PDF nih Chindwin tiva i ralhrangbu tilawng an kah lengmang nak le i kahnak a chuak tam nak hmun pakhat a si.

Ref: thithtoolwin