CDF Mindat Nih Ralhrang Sakhaan An Lak I An Khangh Piak Dih Hna

thawngpang t’ha vun theih cu lawmh um tuk.tutan Mindat ah ralhrang ralkap minung 20 tluk hna nih an mah lung tho tein an hriamnaam chia in CDF ah an rak i fonh hna tiah theih a si.CDF nih Mindat peng, Mague-ingnu khua ralhrang sakhaan an lak mi cu an khangh piak dih hna pin ah ralhriam tampi an lak khawh tiah theih a si.

Relchap: Ralhrangbu nih UK Pehtlaihnak Zung Palai Rian A Khinh Ralhrangbu nih nawlngeihnak a lak hnu ah a rian in a phuak mi Kawlram UK palai U Kyaw Sua Min aiawh in palai pakhat rian an khinh tiah British ramleng pehtlaihnak zung nih a chim.

Ralhrangbu nih a khinh mi palai hi a hodah a si ti a min an chim lo nain vanlawng ralkap bawi pakhat a si i, Taluk ram palai rian a tuan bal mi asi an ti caah UK ah hrambunh mi Myanmar Accountability Project nih U Htun Aung Kyaw a si tiah a chim.

Hi kong he pehtlaih in Myanmar Accountability Project nih ralhrangbu cu vawlei cung ram hna nih cozah ah an pom mi a si lo caah UK cozah nih pom piak lo dingah a nawl.

NLD cozah nih rian a khinh mi Kawlram UK palai U Kyaw Sua Min cu kan hnu April thla ah a zungin leng ah a chuak a rak tin cu a zung an luhter duh ti lo hnu tlawmpal ah ralhrangbu nih rian in an phuah tiah thanh a si.

Palai thlahnak kong he pehtlaihin Vienna Agreement ningah Kawlram nih British cozah pompiak nak lak a herh lo tiah Britsh foreign minister nih a ti.Nizan July 23 ah British cozah nih Kawlram palai ah Mr. Pete Vawles cu rian a khinh i, Mr. Vawles hi August thla in a rian hi a thawk lai tiah theih a si.

Credit: bbc