CDF Thantlang Nih Thantlang Khuami Hna A Ho Hmanh Nih Nan Inn Lo Chuah Tak Rih Hlah Ulaw

Thawngthanh.Upatmi Thantlang khua mi hna nan inn le nan lo ho hmanh nih, kan chuah tak rih hlah uh law tiah ( CDF) nan fa le nih kan in nawl hna.. ral ring te tuin um hmun khuar rih ko hna uh sih. kan ral hna caah hmun hma kan pek hna a si sual lai..kan zuat satil hna zong kan ral kut ah kal kan duh lo … kan hmun kan hma cu chuah tak zaam tak rih hna hlah uh sih.. Upatnak he,Cung Hlei Thawng Thihlum.

Relchap: Russia nih Ralhrangbu Sinah Pantsir Missile Defence System Pek A Timh Russia nih ralhrangbu he hriamnam kong hnatlaknak an ngeih cang bantukin Pantsir Missile Defence System a pek lai tiah Russia Federal Service for Military-technocal cooperation nih August 25 ah RIA news agency sin ah a chim.

Mah Pantri Missile Defence system hi raltuknak mawtaw ah bunh khawh mi a si i, vanlawng, Drone le computer he control mi cruise missile hna a kap kho mi a si.Hi hriamnam cawk ding hi tukum January thla ah ralhrangbu le Russia hna nih hnatlaknak an rak ngeih mi a si tiah Russia ralkap hriamnam lei rianngeitu Dmitry Shugayev nih a chim.

Dmitry Shugayev nih ram pahnih hnatlaknak le contract kan ngei bantukin Pantsir missile defence system hi ralhrangbu sin ah kan pek lai tiah a chim.Hi kong he pehtlaihin Russia cozah nih ralhrangbu cu phungning tein a kai mi cozah pakhat bantukin pehtlaihnak a tuah lengah hriamnam zong a zuarh hna tiah Kawlram kong a cawlcangtu hna nih an ti.

Russia cozah nih Kawlram he a fek mi pehtlaihnak le caansau pi a nguh ding mi i hawikom nak kan ngei.Atu Kawlram buainak ah pehtlaihin ramchung remdaihnak a um thannak ding caah ralhrangbu hruaitu hna nih an si khawh chungin an i zuam lio a si ti kan zumh tiah a ti.

Source: dailysabah ( TCP )