CDF Zotung Tualchung Ah Ralhrang Pawl An I Luh Sual Khuaci An Mui An I Cei Taktak

CDF-Zotung Hmunnram Ah SAC Ralkap Kut In Minung 2 An Nunnak A Liam!CDF-Zotung Hmunnram Ah SAC Ralkap Kut In Minung 2 An Nunnak A Liam! CDF-Zotung cawlcanghnak hmunhram chung ah rallam a sialtu SAC ralkap nih minung 6 cu an tlaih hna i, tlaih a tong mi hna chung in minung 2 cu an thah hna, tiah CDF-Zotung nih June 21 ah an thanh.

SAC ralkap hna cu June 4 khan CDF-Zotung hmunram ah rallam an sial i, minung 6 cu ralphaw ah an rak tlaih hna. Tlaih a tongmi hna chung in Zotung pengchung Anṭa(အန်းတား) khua ah a ummi U Win Lwin Soe, kum 28 le U Myint Mawng, kum 55 cu June 11 le June 12 ahkhan an thah hna, tiah CDF-Zotung nih an thanh.

U Win Lwin Soe le U Myint Mawng ruak cu June 18 le June 21 ah hmuh an si i, ruak vuinak zong tuah a si cang, tiah CDF-Zotung nih an langhter chih. Anṭa(အန်းတား) khua cu Magwe ramṭhen Gangaw pengchung ah a ummi Zotung peng an si i, Gangaw he meng 20 hrawng aa hlatnak hmun ah a ummi khua pakhat a si.

Credit: The Chin Post

Author: Salai Ephraim