CDM Tuah Hnu Miphun Leirawitu Ralhrang Sin Ah Kir Than Mi Vuanthan Vialte Nai Cei Tuk Ning Nolh Chap Tlak Na Si

CDM in Non CDM Ah A Kirmi Hna Thlahlawh Cunglei Bawi Nih An Rak Hman Dih! CDM tuah hnu in zung a kai ṭhanmi Non CDM pawl an thlahlawh cu zungkip cunglei lutlai bawi pawl nih an rak i laak i an hman dih, tiah CDM in Non CDM ah a kir ṭhan i zung a kai ṭhan mi hna nih an chim.

Ralkap nih uknak an laak hnu in ramchung cozah rianṭuan a tam deuh nih ralkap uknak tang rianṭuan duh loin CDM cawlcanghnak ah i tel in ralkap uknak cu an doh nain cheukhat CDMer pawl hna cu caan a van rauh deuh tik ah zung a kai ṭhanmi an tam, CDM in Non CDM ah a kirmi pawl hi ralkap nih uknak a laak hnu in thla 5/6 tluk a rauh hnu ah zung a kai ṭhan mi an si hna.

Cunglei bawi pawl nihcun Non CDM pawl nih zung an kai lo caan hi thlakhat lawng a si, tiah Central cozah cu an hlen i zung an kai lo kar i an thlahlawh vialte cu Bawi pawl nih an ei dih, tiah CDM in Non CDM ah a kir mi pakhat nih a chim. Hi CDM thlahlawh pawl hi District le State level in Department kip i bawipawl nih an rak i chuah peng, tiah theih a si.

Credit: The Chin Post

Author: Salai Ephraim