CEC Member Chungtel Pi Sung Zi Mang Nih CNLD Chin Party Chungril A Phuan Lawlaw

1.CNLD chungtel ah zei bantuk dah na tuanvo a si? Na kan chim kho hnga maw?Bialehmi;Kei hi CLD lio ah khan cun Vice chair (2) ka rak si. CNLD i kan I fonh tik ah V- Chair pakhat lawng kha V- Chair ah chiah an si caah atu hi CEC Member ka si. Cun CNLD General Treasurer zong ka si.

 

2.Kawlram Phunghrampi remhtu 45 Committee le Peace Process ah Chinmi (Party) kan i tel lomi hi a poi na ti maw?Bialehmi;Phunghrampi remhnak 45 Committee ah hin Chinmi an i tel lo. A poi tuk hringhren ka ti. Mah caah Chin Party hi teinak hmuh hrimhrim kan hau. Peace process zong ah si seh 21 Century Pinlon Conference zongah Chinmi kan i tel kho lo. A ruang cu teinak a hmu mi party lawng sawm an si. Cucaah Chin miphun aiawh in Chin mi nih zeihmanh chim nak nawl kan ngei lo. Chinmi cu Union chung ah a tel lomi miphun bantuk kan lo, ngaihchia ngai kan si ko. Cucaah zeitluk in party dirh le candidate i cuh hi har ko hmanh sehlaw kan miphun caah kan ttan ttualmal nak hi asi.

3.CNLD cu Hruaitu Upa Minung bochan in maw nan dirh, Phunghram dah a biapi deuh ah nan chiah?Bialehmi;CNLD cu Leaders bochan in kan dirh hrimhrim lo. Kan mah pumpak cio hi zalawng tein ttuan le decision chiahnak le I teltum khawhnak nawl kan ngei. Leaders biakhiah nak cu mipi caah a dik lo le phunghram he aa kalh ah cun kei cu zulh kaa tim lo. Pumpak bochan in zong kan dirh lo zapi hnatlaknak Democracy phungning tein kan dirh mi a si.

 

4.Chiarmen pathum CNLD chungah i theihthiam lonak teh a um el maw?Bialehmi;Party pathum fawnhmi CNLD chung ah i theihthiam lo nak zeihmanh a um lo. Chinram le kan miphun caah kan saduhthah aa khat mi asi caah zeihmanh elhiar nak a um lo .Leaders Chiarmen pathum an si caah ruahnak tthatha lehlam tam deuh a chuak i a tha chin chin. Ruahnak petu tlawm tuk ngeih cu palh sual nak a tam.

Credit. Sung Zi Mang( Jacob R. Thang)

Author: Salai Ephraim