Central Asia Khuapi A Si Mi Tajikistan Khau Thawngtla Ralhrang Pawl Nih An Luhhnawh Hna

Central Asia khuapi a si mi Tajikistan khuapi chung i Vakhdat thawnginn chungah hin Afghanistan, China, Kyrgyzstan, Uzbekistan ram mi hna hi a tam bik in thawng a tla mi hna an si.

 

Hi thawnginn chungah thawng a tla mi hna chungin Khrihfa a si mi tampi an i tel pin ah Islamic State (IS) chung tel minung zong an um ve t’hiam t’hiam.

 

Atutan i hi thawnginn chungah a rak luh hnawh tu hna hi fiang tein theih cu an si lo na in ralhrang Islamic State (IS) pawl hna thil tuah a si lai tiah an zumh.

 

A ruang cu hi thawnginn chungah cawh hrup in an um ko bu ah Khrihfa minung 24 nih hliamhma an tuar i thawnginn cawngtu minung pathum hna cu thah an si tiah justice ministry nih an chim.

 

Cun hi thawnginn hi a luan cia thlaruk lio ah khan ralhrang Islamic State (IS) nih an rak kah cang i minung tampi an rak thi bal.cu hnu ah a tu hi a voi khat nak thil a cang t’han mi a si.

 

Cu lio ah cun Tajik special forces chung in minung pathum an rak thi i a tu tiang i dothlatnak tuah cuahmah a si.

 

Cun tuzing thil a cang mi he Tajik special forces pawl hna nih dothlatnak tuah cuahmah a si t’han.cu hlan nak in Vakhdat thawnginn cu ven le security tam deuh in chiah an si tiah an chim.

Source: BBC