Daw Aung San Suu Kyi cozah le South-East Asia ram hruaitu vialte hna ton biaruahnak an nei i cu ton biaruahnak an neih mi chungah a bik in Rohingya ralzam pawl hna konghe pehtlai in kawl cozah nih a zoh sawhsawh ning hna le South China Sea rili buaibainak kongah zei tin dah rian kan t’uan lai ti mi kong hna i ceiht’i nak an nei tiah theih a si. cun kum 2017 lio in a tu tiangah Rohingya ralzam hna nih an mah ram le Inn lo chuah tak in a vakvai mi pawl hna cu kum 2 chungah an mah ram le hmunhma teah kir khawh nak ding in rian t’uan an i tim tiah an chim.
South-East Asia ram hruaitu hna nih cun Rohingya mipi hna cu a kawl cozah nih kawl ram mi sinak a pek duh hna lo ruangah hi tibantuk in an i t’hek darh nak hi a si cem tiah an chim i.cu konghe pehtlai in NLD cozah hna nih cun a kawl cozah he Rohingya kongah thil t’ha tuah dingin zei hmanh a haemi le a buaibai ding a um ti lo tiah an chim.cun a si khawh chungin Rohingya pawl hna cu an mah le ram teah kir t’han khawh nak dingin rian kan t’uan cang lai tiah an chim.
Rohingya a dirpi tu Malaysia cozah nih cun kawl cozah nih a ram mi sinak cu Rohingya pawl hna sin ah a pek duh lo hmanh ah an mah le um nak hmun, Inn lo tang teah dai tein an umter hna awk a si. Rohingya cungah mah bantuk in rian a t’uan awk hrimhrim a si lo tiah a chim.South-Easr Asia ram hruaitu pawl hna nih Rohingya kongah biachahnak an tuah mi hna cu NLD cozah nih pehzulh dingin a t’ha tiah biachahnak a tuahpi hna tiah an chim.
Cun, South-East Asia ram hruaitu chungin Phillippines ram President Rodrigo Duterte nih cun China nih a tu bantuk in South China Sea rili cu a mahta bantuk in humhaknak nawl a nei loh! China nih a tu bantuk in South China Sea rili cu a mah ta bantuk in nawl ngeihnak neih a duh peng a si ah cun South China Sea rili hman nak kongah ramri kan ser lai.cu pin ah South China Sea rili hman nak kongah phunghram kan ser t’han a hau lai tiah a chim.cun South China Sea rili ah hnawntam zei hmanh peih awk a si lai lo tiah an chim.
Credit: Free
