Nichuahlei Florida ram chung hmun zei maw zat ah Hurricane Dorian thlichia a hrang i inn lo tam lak te a rawh pin ah minung nun nak zei maw zat an liam cang.a tu zongah Hurricane Dorian thlichia Abaco island tikulh khua a huai cuahmah i tuchun tiangah minung 20 an thi t’han.mithi minung 20 hna hi an ruak in char an si,mah nak tam hi hmuh khawh lo mi an um nak theilo in a tlau mi hna an um rih lai tiah ruah a si.
Hi konghe pehtlai in Bahamas prime minister Hubert Minnis nih a chim ningah cun Abaco island tikulh ah a cang cuahmah mi Hurricane Dorian thlichia hi cikhat ah a dai dingin a langlo.a tu ning tein caan sau deuh thlichia a hran a si ah cun minung tamtuk nun nak a liam te lai tiah lung rawk taktak bu in a chim.
United Nations relief official nih cun Bahamas ramkulh chungah hin minung 70,000 renglo an um i,cu minung dihlak ah nih cun Hurricane Dorian thlichia ruangah harsat nak an tong.an dih lak in bawmhchanh an hau tiah a chim.a bik in um nak inn lo ngeilo in,dinei awk tirawl,an hni puan fenheih tiangin thlichia nih a choih piak dih hna.cucaah a ran nak in bawmhchanh an hau tiah a chim.
Bahamas cozah nih cun palik le media team hna pawl hna cu tamlak te a thlah hna i a lam kip in bawmhchanh nak an hmuh khawh nak hnga ding caah rian biatak tein a t’uanter hna.hi thlichia hi Atlantic chungah thlichia a hram mi vialte lak ah a fak cem mi a pahnih nak Hurricane Dorian a si tiah an chim.hi thlichia hi America ram lei hoih in a thawn cuahmah.Hurricane Dorian ruangah a tu bantuk in Bahamas ram mi hna nih an tuar nak cu Bahamas nih thlichia lak in i ven nak hmarua zei hmanh a ngeihlo caah a si tiah an chim fawn.
Source: BBC
