Chin Miphun Cu Miphun Dang Kut Tangah Um Than Ding Cu A Si Kho Hrimhrim Ti Loh

“Miphun dang kuttang kun than ding cu celh a si hrimhrim lo” CNA Salai Htet Ni.Laimi ralkap CNA /F bochanmi kan pa pakhat Thet Ni nih a chimmi vun rel ve hmanh, “Kan Chin mipi thlacam nak le bawm nak he ral a doh mi kan si. Miphun dang nih kan ram ah nawl an ngei than ding le miphun dang kut tang ah kun than ding cu celh ding si lo. Cu bantuk miphun dang kut tang um thannak cha cun Chin miphun, chin ram timi hmanh a um lo lawlaw a tha deuh.Cucaah kan miphun le kan ram him nak ca ah thazaang chuak in tangh ti u sih. Kan tei hrim lai ti zong ka zumh” tiah a chim.Crd.CNN

 

Relchap:Oct 13 Tuchun, zanlei sang suimilam 4:30Pm bak khan ralhrangbu Khalayah 268 ralkap pawl hna cu an motor 32 khat te in Chinram khualipi Hakha cu an fuh cuamah t’han tiah theih a si. ralhrangbu Khalayah 268 ralkap pawl hna nih motor an hman mi hi an mah ralhrang motor a si caah motor pakhat chungah ralhrang minung 30-40 karlak a phur khotu motor tam deuh hna an hman tiah theih a si.

A mah belte Khalayah 268 ralkap hna lak ah hriamnam tihnung raltuknak Tank tibantuk pawl hna cu hmuh a si lo.Falam khuapi ah hmunkhuar mi ralhrang he hna he an i fonh zumh a si.Chinram kulh chungah Min Aung Hlaing nih a thlah cuahmah mi hna ralhrang pawl hi an milu in theih khawh an si lo na in a vuaktlak cun minung 800-900 leng an si lai tiah zumh cio a si.

Nihin Hakha le Pawngkam Ah A Chuak mi Kahdohnak Nihin zingka 9: 30 in Hniarlawn thar khua, Hakha pawng ah ralkap le CDF kar kahnak a chuak i Khuami thar deuh cu an zam dih, a zam manh lo mi minung pali an tlaih hna.Hi kahnak ah a Kawl ralkap a tlawm bik minung 4 in 6 karlak an thi lai tiah kahnak ah aa tel mi sin in kan theih.Nihin ah Falam in Hakha lei ratnak hmun khat ah siseh, Hakha in Falam lei a kal mi SAC le CDF zar zanlei sml 4: 00 tiang a chuak rih tiah kan theih.

Author: Salai Ephraim