Chin Miphun Kan Sut Tungpi Pu Stephen Ni Kio Nih An Kan Liam Tak

Pu Stephen Ni Kio nih ruahlopi in Yangon khua, July 26, 11:20 am hrawng ah mual a kan liamtaak.Amah hi National Literature Award cotu a si. Laimi nih Nunphung le Caholh lei ah bochan bik mi kan pa pakhat a si. Lai (Chin) Dictionary a kan tuahpiaktu zong a si.Cauk tampi le cabia tampi a tial mi catialthiam zong a si.Pu Stephen Ni Kio cu Hakha Peng Hranhring khuami, Yangon ah khuasa mi a si.


Zion Church, USA nih Chinland Foundation riantuannak ah Ks.4,770,000 an bawmh.Zion Church (Salt Lake City, Utah, USA) nih Chinland Foundation riantuannak “Chinland for Chin Lives” COVID-19 Response Program ah tangka Ks.4,770,000 an bawmh hna, tiah kan theih.Hi kong he pehtlai in Chinland Foundation Chairman Rev. NC Thawng Tha Thang nih a tanglei bantuk in a facebook cahmai ah a langhter.

” Lunglomhnak langhternak”Chinland Foundation nih a tuanchuah mi “Chinland for Chin Lives” Covid-19 Response Program ah Zion Church (Salt Lake City, Utah, USA) nih a thluahchuah hmuh mi chung in phaisa 4,770,000/-MMK he an kan telpi caah kan lunglawmhnak kan langhter.

Hi thluahchuah hrawmh mi hi atulio kan miphun le kan ram nih kan ton cuahmah mi pulrai tihnung dohnak le nunnak tampi chanhnak ah bawmchantu a si lai ca ah kan sunhlawih. Thluachuah a kan hrawmhtu Zion Church (Salt Lake City, Utah, USA) Pathian nih thluahchuahnak pe chin ko seh.

𝑳𝒂𝒘𝒎𝒉𝒏𝒂𝒌 𝒉𝒆
Thawng Tha Thang
Chinland Foundation