Chin Miphun Khrihfabu Cheukhat Nih Kumthar Rawlulh Thlacam Ah Min Aung Hlaing Hrinthatnak Caah Thla Nan Hei Cam

Chin miphun khrihfa kan sinak kum tampi a si cang na in mithat lo pa misual Min Aung Hlaing hrinthannak le lung thlennak caah rawlulh thlacamnak an neih lengmang mi hi khuaruahhar nan si.zeicatiah cun kan Bible cathiang chungah Siangpahrang tampi hna cu Sertu Pathian nih an lung a khongter hna i can a pek mi hna tlinter hlang chung cu zei hmanh nih a kham in a sersiam than ti hna loh!

Cu vebantuk in Min Aung Hlaing zong hi Pathian nih hi dirhmun si ding in a khau khih mi a si ti cu fiang tein a lang ko.cucu kan nih Chin miphun nih zum duh lo in kan mah Minung sinak in hramhram in Min Aung Hlaing lungthlen khawh nak ding tiah rawlulh thlacamnak kan tuah mi hi a hman mi a si loh!zeitindah na ruah ve.

Min Aung Hlaing caah thla va cam len nak in CNA le CDF’s kan ralkap vialte dohthlennak a tuahtu hna caah thla kan cam awk a si deuh hnga lo maw!kan mah ca hmanh ah thlacam lem tung lo in Min Aung Hlaing caah thla va cam len cu a herh nak a um lo.Pathian nih kan caah khua a khan cang mi cu zei hmanh minung nih kan thleng nawn kho loh!

A Fing mi cu tutan kan dohthlennak hi a dih dongh tiang kan phan ko lai.zeitluk in Min Aung Hlaing caah na va cam len zong ah na thlacam nak kha ei cu a si hlei pi bal lai loh! hi dohthlennak ah a nung in maw tlaih a si lai a ruak in dah phawh a si te lai ti lawng a tang!kan Chinram le kan mipi ca tuah thla cam deuh usih.

Author: Salai Ephraim