Chin Miphun MP Pawl Han Hi Chinram Le Chin Miphun Caah An Lung An Rual Taktak Maw?

Chin miphun MP pawl hna Chinram le Miphun caah nan lung a rual maw? Miphun, Peng le tlang,Chin state politics vialte hna lak ah a zei politics hi dah a biapi cem hnga?cuhlan zongah siseh,a tu kan hman cuahmah lio mi kan chan ah siseh,Chinram ka dawt a timi hna le Nationalism a ti mi pawl le Politician a ti mi pawl hna zong nih Chinram le Mipi a daw taktak tu a ho hmanh an um loh.

 

Halkha MP pawl hna nih an mah Halkha ram le Mipi lawng an dawt hna,Matupi le Mindat MP pawl hna zong nih an mah ram le Mipi lawng an dawt ve hna,Falam MP zong nih an mah Falam ram le mipi lawng an dawt hna.Tedim le Tonzang ram ZCD Party pawl hna zong nih an mah Tedim le Tonzang mi hna lawng an dawt men hna lai.Cun, Tedim (Zomi) hna nih cun kan nih cu Chin kan si lo, Zomi kan si an ti fawn.

Asiahteh!Chinram le Miphun a daw taktak tu hi a ho dah a si kun?Chinram le Chin miphun a hruaitu ding cu a ho dah a si ne?zeitindah Chin miphun hna nih kan ngeihmi ram hi zei tin dah kan hum him ne lai?a luancia 6.7.2018 zanlei suimilam 3:30 ah khan Kalaymyo Sipin pawl hna nih Khaikam Myo hi an mah ram siding in Signboard an rak tar. 1954 kum in Kalaymyo cu Chinram laansung caah ti in record an rak tuah cangmi a si.1962 ah cu record cu Kalaymyo hleihram ah rak tar a si cang.2010 ah Chinram Pengtlang 9 ah thanhnak an rak tuah mi a si.Kawl pawl hna nih Shan ram Maymyo an rak lak bantuk in kan Chinram zong hi lak an timh cuahmah cang.

 

Chinram MP Pawl hna nan Politics hi Pengtlang ,mah le ram le miphun Politics ah buai lo in Chinram le Chin miphun Politics tu buaipi deuh uh tiah kan nawl hna .Chinram MP nan dihlak in Chinram le miphun t’hanchonak tu ah lungrual tein kar nan hlan t’i a herh.Chin miphun dihlak nih nan mah aw ka kan in ngai hna i,zei tik ah dah Chinram MP vialte nih lungrual tein rian an t’uan lai tiah kan in hngak ko hna.Chinram kulh cu kawl pawl hna nih lak an timh cuahmah cang.Chin miphun hna kan i lungrual a herh tuk cang. By-Salai Charlie Kap

Author: Salai Ephraim