Chin Miphun Nih CNLD Kan Zumhlo A Si Kun Ah Cun Zei Tik Chan Hmanh Ah Chinram Nih Federal Hmuh Khawh Dawh Kan Si Ti Loh

Kan rak chim phuan lengmang cang bantuk in Chin miphun hna cu kawl uk nak tangah a tuchun tiang in kan um cuahmah rih ko va si kaw.kawl uk nak tang in luat nak kan hmuh khawh nak hnga ding le kan mah tein Federal kan hmuh khawh nak hnga ding cu mipi nih kan duh cio.asinain Chinram le miphun caah nun nak pek in rian a t’uan ngam taktak mi cu kan tlawmte fawn.

 

Online chungin a mi kip nih mah le ruah nak langhter le chim cio a hung si.2020 ithimnak ah CNLD party cu an hung dir cio man i,Chin miphun a cheuchum hna nih cun kan lomhpi hna i an dirpi ko hna.asinain mipi nih CNLD cu an zum bak hoi hna lo.bia zaa an phai hnawh hna i lungfak in an tuah hna.a ngaingai kan ti a si ah cun Chin ram le miphun t’hancho nak caah kum zei zat chung dah kawl party thazang na pek cang hna?a tu tiangah cu thazang na pek mi kawlparty hna nih cun teh zei dah chin ram le miphun t’hacho nak an tuah?rak chim tuah?

Zungzal Dawtu tiah facebook a tuah mi nih cun hi tin a chim CNLD miphun party in ruahchan ding a si lo.Tu te an chuak i Chinram an chuah tak hnu ah Chinram ah a lu tuan duh cu zumh a um hrim lo. An kut chuak Chinram ah pakhat tal hmuhding um loin kan zum kho hna hnga maw?Aungsan chan bantuk khan hlen than kan i huah lailo tin nan chim ngam maw?NLD sin zong in a dikmi Federal cu kan hmu kho lem lailo, pek an kan duh hmanh ah raalkap nih a karlak in an i thlak ve lengmang i duh bantuk an cawl kho lailo.USDP sin zong in ruahchan ding a si ti lo.WA bantuk khan India cozah sin ah ahlaan tuanbia India ram chung ah chiah kan si kha CNF/A nih chim hna sehlaw hma la hna seh. Kan innpa Mizoram zong Federal a pek cang ko i a kan pek ve hrim ko lai.

 

Kha chung khan raalkap ceilak lak si seh, nupi a ngei lo mi paohpaoh CNF kan luh dih a hau i ramthumnaak a ummi minung pakhat ah Thlakhat $100 khawlh si seh. WA bantuk in kuan fang pakhat hmanh chuah loin kan ngah ve lai ti zumh lo ding, a herh cun doh ve ding in timhcia in um ding.AA buainaak hi a dai bal lailo caah caantha bak a si, kanmah lei Chinram ah a rak kalding kha AA nih an rak thuat cang hna lai. A si khawh cun AA zong he Alliance ikawp ding in lairel ding.Ramchung ramleng ah mino raaltha an tampi ko, a herh taktak cun fial lo tein an rak lut ko lai. Thisen an kan hal cun thisen pek ding, NCA in kan ngah bal lailo tin lungpem hau.

 

Biachap: CNLD party cu Chinram le miphun hna kan ai a kan awhtu an si.an chiat an t’hat ah nang mah le kei mah hmanh nih Kawl kut tang in kan luat khawh nak hnga caah rian kan i thok ngamlo mi kha pumpek in rian t’uan hram a thoktu an si.ningcang lo le bia dawh lo ti bantuk pawl hna kan chim rel lengmang mi hi ruah ah cun a dawh lo ngaingai.kan si khawh tawk in CNLD thazaang pek ko usih.thazaang na pek duhlo hmanh ah na ka i sum.mi t’hat nak kan tuah khawh lo hmanh ah mi chiat nak a tuahtu si cu kan duh awk cu a si lo.

Author: Salai Ephraim