Chin Miphun Nih Harsatnak Kan Ton Cuahmah Lio Ah Happy Birthday Ti Caan A Si Maw

HAPPY BIRTHDAY TI CAAN A SI MAW? Jer 20:14 A miphun a dawtu Profet Jeremiah nih cun a Miphun nih harsatnak fak an ton lio ahkhan, ” Ka chuah ni kha chiatserh si ko seh,” a rak ti Job 3:1-9 PATHIAN miding Job nih a cung i harsatnak faak a tlun lio ah, ” Ka chuah ni cu rawkral ko seh,” a rak ti.Harnak caan chungah, Job le Jeremiah nih”happy Birthday” an rak ti lo, an chuah ni tu kha chiat an rak serh!


BAWIPA nih an lungfah nak le ngaihchiatnak kha a theihpiak hna i an harnak chungin a khamh veve hna.Hi tluk kan ram le kan miphun nih harsatnak faak kan ton i, kan bochanmi hna le dawtmi hna nih an kan liam taak cuahmah lio le kan lungfah le ngaihchiatnak nih a kan zelh i “kan thi lai maw kan nung lai?” tiah lungrethei vansang au in kan miphun kan hrum kan ai lio hna i, zeipoi lo taktak, thuang hna lo i “Happy birthday,” rak i ti len le rak i post len caan a si maw?


Isaiah 22:12″BAWIPA RALKAPBU PATHIAN nih cun, țah awk le mitthli tlak awk le nan lu i kongh awk le buri i aih awkah an auh hna. Sihmanhselaw a nih salam men in nan ni i puai tu nan tuah,” a rak ti bang; Atu caan hi BAWIPA HMAI ah toidor te i um caan, kan ngaihchiatnak langhter caan, rawlulh caan, thlacam caan, lungțhumh caan, sualphuanin țhatlonak mer taak caan


BAWIPA HMAI kawl caan, sual i ngaithiam caan, leiba le a karh hna i ngaithiam caan, aharsa mi hna bomh caan a si.A tu bantuk khua caan hna i BAWIPA țih lo i nan rak nih salam, nanmah nun nuamhnak men na rak kawl ko ahcun, na cungah BAWIPA aa lawm lai lo ti kha rak philh hlah mu.

Ralvengtu
Tluang Lian ( Martar)