Chin Miphun Party (CNLD) Kan In Lomhpi Hna Matupi, Min Dat, Kanpalet Khuapi Pathum Ah Party Zung An Tuah Khawh Cang

Chin Miphun Party (CNLD) Chin National League for Democracy Party nih Matupi, Min Dat le Kanpalet khuapi pathum ah party zung on nak le myone committee sernak tlamtling tein kan tuah khawh cang. Tutan CNLD -CEC hruaitu kan pa le hna khual lam cu mizapi nih khuaruah har in an rak cawnglomh an rak don hna.

Kum 2020 thimnak cu Chin miphun dihlak nih kan lungfim kum , kan lungrual nak kan langhter kum, kan miphun kan dawt nak kan langhter kum , teinak kan hmuh kum si hram ko seh.Credit:Lal Maung Cung

 

Chin Miphun Nih Zeiruangah Dah CNLD (Chin Party) Thazaang Kan Pek A Herh?

Kum 2020 Election ah zeiruangah dah CNLD thazaang pek an herh? kan rak chim cia bang in CNLD cu aprty pathum hna CNDP, CCP, CLD hna i fonh in an dirh mi a si caah CNLD Chin party tiah minsak mi a si.hi party hi Chin ram le kan miphun t’hancho khawh nak ding caah ti in dirh mi a si.cun party tling an si nak register an tuah mi zong May 17 ah t’ha tein cohlan an si cang.

 

Chin ram le kan miphun t’hanchonak dingah cun kawl party nih hna nih cun zei tik hmanh ah thih ngamh in rian cu an t’uan in an pum an i pe bal lai lo.Chin miphun hna nih CNLD party thazaang kan pek in kan dirkamh le vote kan pek a si ah cun 2020 election ah an tling kho bak an si.zeicatiah party tling an si nak register zoh tik ah kutke tampi an nei kho cang.a mah belte Chin miphun nih kan dirkamh hna lo a si ah cun party pakhat khat nih an den tik ah a t’ettiam ko mi an si.

 

Kum 2015 lio ah Chin party ti in hrambunh party pathum an rak um i Chin mipi vaivuan ngai in an rak kan tuah tik ah a zei deuh hi dah kan Chin ram le miphun caah vote kan pek lai i kan dirkamh lai ti kan rak i ruah karlak teah an rak tla diam.Chin mipi hna nih NLD lawng te ah vote kan rak pek cang.asinain a tu ah cun Party pathum hna cu pakhat ah an dir cang i Chin miphun na si ko ah cun lung aw-t’awm nak ding a um ti lo.CNLD ah vote pek cu kan rian a si ko cang lo maw?

CNLD party ah vote pek na duh lo a si ah cun na miphun hawi le na chuahkehnak ram na deh hlen a si ko cang lai.Chin ram le kan miphun t’hancho cu na duh ve hrim lai tiah ka ruah.CNLD vote pek nak kongah pumpak in i huatnak le pumthil thil kongah vote pek lo in le dirkamh lo in kan um awk a si lo.zeicatiah CNLD party hi pumpak thil a si lo ti hi kan i fiam awk a si.

 

Author: Salai Ephraim