Chin National Day hi Zung Khar Ni caah “kan in onh kho hna lo” tiah phung ning tein an kan timi cu NLD Acozah An Si

Kum “72nk CND ah Thantlang CNF kai an i tim lo. 2015 NLD a kai hnuin CNF cu CND ah biachimnak pek asi tilo. Falam tuahmi CND zongah CNF sawm an si nain a tlangthumnak hrawngah thutter an si” tiah a tanglei thawngca nih a ṭial.Nikum Halkha CND ah CNF upa nih ti hin an chim: “Hakha kan phak tikah ṭhutdirnak zeihmanh a kan tawlrelpiak lo. Atu tiang pehtlaihnak an kan tuah lo pin-ah zeihmanh caan zong an kan pe lo.

Thaizing tuahdingmi Chin Miphun Ni zinglei caanhmannak ah kan nih CNA/F cu kan i tel lai lo”.Kei zong ka pomning asi ve. Miphun lei kongkau puai phunphai ah miphun lei a biapitnak te hna a hmu kho lomi le a ruat kho lomi hna an chunhthahnak, khuang an tumnak le an lamnak hmun ahcun a herh le a chuah zong chuah lo (boycott) ding kha a si ko, ti hi a si.NLD Acozah a kai hnuin kumtin CND puaiah CNF nih mah bantuk thil an ton pengmi hi lung a hun ṭha lo ngai. NLD Chin Acozah cungah CBC le CNF bantuk an i lawmh ti lomi hna hi cu a pawi ngaimi khi a si.

Hihi fact a si (nikum ka ṭialmi) CND cu Phasabala Party (Chin Acozah) nih an rak thih ter Chin Party, CNO hruaitu hna nih an rak nunter ṭhan Kawl Acozah nih Chin State Day tiah a min an hloh Chin Party, CNDP le CNF nih CND tiah an nunter ṭhan.(CNDP MP nih Hluttaw ah biatung an rak chuahpimi hna kha philh ve lo awk asi. Kan philh hmanh ah research a rak tuahmi hna nih Hluttaw record ah an hmuh thotho te ko lai)Chin National Day hi Zung Khar Ni caah “kan in onh kho hna lo” tiah phung ning tein an kan timi cu NLD Acozah an hun si.

Mipi nih mee pekin thimmi taktak cu kan mah hi kan si, hriamtlaibu nih mipi ai nan awh hna lo” ti khi an chung lungput taktak cu a si. Cucaah Rawn Party Acozah nih limhang an in tuah duh taktak hna lai lo.Rawn Party Acozah an tlaih tikah miphun sinak (identity) hi a him bal lo. USDP Chin Acozah nih purasak kong hna an rak chuahpi kha philh a har ngaimi asi.Cucaah “CNF hna dawt pah, Rawn Party hna hei ṭanh pah” cu lu-taw hngal lomi ramkhel dirhmun, zuang lawr” tiah kan rak tinak kha a si.

Credit: Salai Van Lian Thang

Related Posts