A tu lio Chin miphun vialte nih kan hnakkar ah aa tenh ngaimi cu Chin ram dothlennak kong hi a si.hi dothlennak ah Chin ram le Chin miphun a t’hat tertu ding party cu lungkhat tein Chin mipi vialte nih dirkamh le vote pek cu kan duh dih.mah ka zawn te ah ruah len awk a si mithil cu cu hlan in tuchun tiangah Chin miphun nih kan ram le mipi t’hachonak caah ti in kawl party vote kan rak pek peng hna,a si ah te kawl party nih cun kan chin ram le mipi t’hachonak taktak caah zei dah an tuah ti hi a si.
Hi thil nih a fianter mi cu kawl party an si ah miphun dang a si mi hna nih cun zei tik hmanh ah a ram le a mah ta bak a si lo mithil cu a mah nak in a t’ha le aa dawh cu a duh bal lai lo ti hi a si. ramdang mi hna dothlennak le an cawlcangh ning kan zoh tik ah a ram le a mipi t’hanchonak ding caah an umtu bawi hna cu a ram neitu bak a si mi hna lawng kha an thim hna i cu ti cun an ram mipi hna he rian an t’uanti khawh ruangah rinhchan mi ram ah an i chuah.
Chin ram dothlennak konghe pehtlai in chin mipi hna nih na duh mi party paoh cu na dirkamh khawh taktak ko,cun vote zong na pek khawh ko.asinain i ruat setmat rih ko tuah hna usih.a tu tan Chin ram dothlennak kongah chin mipi nih vote kan pek mi kan i palh t’han a si ah cun mah le mah kan paw kan i khuai bak a si lai.cucaah a tu cu Pathian nih kan ram le miphun zohkhenh khotu ding Chin National League For Democracy(Chin Party) a kan pek cang.
Cun Chin National League For Democracy(Chin Party) cu kawl cozah electin commission zong nih party tling sinak a pek cang pin ah,hi party hruaitu hna cu kan mah Chin miphun bak te an si.Chin National League For Democracy(Chin Party) nih teinak a hmuh khawh nak ding caah mipi thazaang in tampi kan dirkamh hna an hau ve.Chin National League For Democracy(Chin Party) nih teinak a hmuh a si ah cun chin miphun nih teinak kan hmuh a si ko.cun Chin National League For Democracy nih sungh zatlaknak a ton ah cun chin miphun nih kan zartlak a si.
Note: hi kong hi tam deuh in kan peh t’han te lai,voi khat ah tam deuh kan t’ial a si ah cun Ca reltu hrangah hna hnawk a si sual lai caah.