Chin Party CNLD Le Chin Nationalism

Political Facts: 2008 phunghrampi ning in CNLD nih Chin Cozah an serh khawhnak lam a um lo tluk a si. Nain lam pahnih an ngeihmi cu, 1nk ah Chin State seats 18 chung ahhin 12 an hmuh ahcun lampite a awng. 2nk ah USDP he alliance an tuah i, Central ah USDP nih Cozah a ser ahcun CM cu an kianh khawh ve hna. Cun, Chin State MP seats 18 ah MP tambik a hmutu an si ahcun, Cozah an ser khawh lo zong ah, anmah CNLD chung in minung pakhat or pahnih tbk aa fitmi cu CM nih minister rian a pek khawh ve hna. Mahhi lam dang in ruahchanhnak an ngeih khawhmi a si rih. Asinain CNlD nih an tlaknak ding/dirhmun ah a fiang bikmi cu 2010 lio bantuk in opposition in um hi a si. Cucaah, CNLD an dirhmun le Independent in aa pemi hi an dirhmun aa khat in ruah khawh an si ko hnga, zeicatiah opossition dirhmun ciocio ah an um lai caah!

 

Chin Nationalism: CNLD hi an caah Cozah ser khawh ding ruahchanhnak a um lo bu le, an hruaitu hna lakah uarlo taktakmi hna an um nain, an campaign ah Miphun dawtnak ah aa hngilh rihmi hna Mino tampi an tthanh khawhmihna hi ka thangtthat ngaingai hna. “Chin Nationalism” thlarau rivival hi Mino sinah a tlak hi a herh ngaingaimi a si ve.Asia Foundation nih Kawlram kong ca an chuahmi ka rel i, education lei chambau ruang ah Cozah hi duhning in a kal khawh lo hi a fiang tuk. MP a tlingmi lakahhin Pd.D hi 1.6 % an um i, cu hmanh ahcun Fake pakhat aa tel tiah an ttial.

 

International Ramdang degree a lami hi kutdong rel taktak hi an si. An tlam taktak tiah an ttial chih. Cun, 2015 ah NLD a von tei tikah Cozah a kalpi khotu ding department kip ah aa fitmi minung a ngei lo. Cucaah, Cocah rian a ttuan balmi tbk expeirence based in hruaitu minister a thim hna tikah eihmur tholung nih an ruahnak a ei ciami lawngte an si caah rian hma a kal ti lo. MP 60 hlei phuah an tong. Cucaah, a fiang bakmi cu, Chin ram a thangcho khawh nakding ahhin “Education le ruahnak a thiangmi Mino” hi tthal ti hal in Chin ram nih a hal.

 

Cucaah, CNLD Campaigners pawl nih aa hngilh cuahmahmi Chin mino tampi hna, Chin Miphun dawtnak Nationlaism ah an thanh khawhmi hna te hi ka thangtthat ngai hna. Cun, USA, Australia, tbk ah Sianginn a dih cangmi hna Mino tampi hi Chin ram sersiam dingin Nationalism Spirit an ngeih khawh ding zong hi a biapi taktak tiah ka ruah.

Catialtu: Zasang Cinzah