Chin Pasal Tha Pu Vum Tu Maung Khua Ah Ralhrang Pawl Umhmun Khuar In An Lor

Pu Vum Tu Maung khua Vum Tu ah SAC ralkap an lor, inn chung thilri hrawh.August 22 le 23 hrawng Mindat Peng Vum Tu khua ah AAC ralkap pawl umhmunkhuar in an lor, innchung thilri an hrawh dih tiah kan theih.Vum Tu khua cu SAC phu chungtel a si mi U Maung Ha (Mang Ha) hi hringtu a pa, Chin Miphun hruaitu hmasa Pu Vum Tu Maung chuahsemnak khua a si.

Khuami innka tawh an bauh i thilri an hrawh pin ah Circuit Hospital (Taihne Sii-inn) riantuantu hna umnak zong an hrawh dih.Mindat Peng khuate kip ah hin SAC ralkap nih khua khat hnu khua khat, inn khat hnu inn khat lut in umhmun an khuar i thilri an hrawh, thil mansung an fir i innzuat satil vok le ar an thah i an ei hna tiah theih a si.


Thawngpang dang: Kan hmunhma ah a ra mi SAC ralkap 10 renglo bomb in kan thah hna tiah KNDO nih chim. August 24, KNU Brigade No.2 ah a rak ra mi SAC ralkap pawl cu Htantabin peng ah KNDO battalion 4 nih bomb in an phomh hna i minung 10 renglo an thi tiah KNDO nih an thanh.

“Nihin zinglei 6:00 khan kan i kap. Khatlei pawl raak thawng le aihram thawng zong kan hei theih ko. A thi mi zat fiang in kan thei kho rih lo nain a tlawm bik 10 cu an thi. Atu hi SAC ralkap thazaang an chap i kahdohnak a fak chinchin lai tinak a si ko,” tiah KNDO Battalion 4 in Bogyi SawTa Bu Mu nih a chim, tiah Khit Thit Media nih a langhter.

Credit: Laica-The Hakha Times