Chin Ramkulh Hluttaw Caah Mindat Myone In U Teik Tan Rian Khinh A Si Ko Cang Lai

Hluttaw nih Chin ramkulh chungah Hluttaw Deputy speaker caah duh mi le thim mi nan neih a si ah cun,cu nan duh mi hna cu cung lei ah rak chim phuan khawh a si lai tiah kan hnung lei ah khan an rak chim cang. Hluttaw nih a caan a pek ning hna bantuk te in Hluttaw palai a si mi U Pyi Min nih cun Mindat Myone lei in Hluttaw Deputy speaker caah an thim mi U Teik Tan cu a rak chuahpi i june 27.2019 ah Hluttaw nih fehternak zong an tuah piak cawlh tiah an chim.

 

Mindat Myone lei in Hluttaw Deputy speaker caah an thim mi U Teik Tan kongah cung lei Hluttaw nawl ngeitu hna nih a sining le a cawlcangh ning felfai tein an zoh hnu ah a t’ha tian biachahnak an tuah hnu in Chin ramkulh HluttawDeputy speaker caah fehternak an tuah cawlh hi a si tiah an chim.cun, hi tibantuk in fehternak an tuah lio ah hin U Teik Tan nih cun ka ram le mipi hna sin a hman mithil lawng bak kan tuah lai i rian kan t’uan lai tiahah biakam nak a tuah.

Photo credit free: U Teik Tan.

Cun, a tu ah Chin ramkulh Hluttaw Deputy speaker an thim mi U Teik Tan hi mirum Hlut Khaung Kyi company neitu i a hringtu a pa a si.U Teik Tan nih cun hi tibantuk in riankhinh a si hnu ah Hluttaw nih cun U Teik Tan konghe pehtlai buaibainak a um maw? tiah Immigration and Human Resource Deparment hruaitu hna sin ah le Hluttaw palai pawl hna sin ah hal nak an tuah tik ah dawn khantu zei hmanh a um lo tiah an chim.

Credit: Free

Author: Salai Ephraim