Chin state Paletwa myone lei ah cun a tu tiang Sianginn lut kho lo in a um mi khua tampi an um peng rih.zei ruangah dah Sianginn cu an luh khawh lo tiah cun kawl ralkap le AA hriamtlai pawl hna an i tukden ruangah Sayamah/Saya te hna nih an um nak ding inn ah daite in an um ngam lo ruangah le AA hriam tlai pawl hna an t’uh hna ruangah a si tiah an chim.cun Paletwa myone chungah Sianginn an sak nak hmun hna le an khua hna cu a hlat ngai in an sak mi hna an um tik ah Sayamah le Saya te hna nih an mah lawng in ci Sianginn ah cun an um ngam bak lo ti a si.
Hi konghe pehtlai in Chin state a cozah biaphuangtu Soe Htet nih a chim ningah cun Paletwa myone khua pawl hna santlaih lo a si lo i AA hriamnam tlai pawl hna an t’ih ruangah a tu tiang in Sianginn 200 ah Ca cawn an thawo khawh rihlo nak hi a si.zei dang dawn khantu le buainak ruangah a si lo tiah a chim.cun Paletwa myone chung Sianginn ah Sianginn 100 tluk cu an lut cang na in Ca chimtu/cawnpiaktu Sayamah le Saya tlamtling lo taktak in an um tiah an chim.
Paletwa myone chung Primanry Sianginn lawng si lo in Middle Sianginn zong an i khat bak Ca chimtu an nei bak lo tiah Soe Htet nih a chim.cun a tu Sianginn an luh khawh rihlo mi hna ah hin a tlawm bik Ca chimtu Saya te minung 400 tal an um a hau.cu hnu lawngah tlamtling tein Ca a cawng kho dingmi an si tiah an chim.
Kawl ram cozah phunghram ningah cun khua pakhat Sianginn ah kum khat an um hnu in cun i t’hialnak sawk khawh a si.kawl ram Sayamah le Saya te hna nih cun rian an hmuh khawh nak dingah cun zei bantuk ram le khua hmanh ah an rian kha an thawk ko.asinain kum khat an vun t’uan hnu in cun hmun harsatnak um cu chim lo a zoh hmanh a zoh duhti lo mi an um i a ran nak in i t’hial nak an tuah/sawk cawlh ruangah hi thil hi a can nak a si fawn tiah an chim.
