Laimi/Chinmi vialte hna nih a zei deuh hi dah? holh ah kan i hrawm khawhmi a si lai i a zei deuh hi dah common holh ah kan hman khawh lai tiah caan saupi bia al nak a chuak cang.a bik in Hakha le Falam ko hi a buaibai cem mi le thih ngamh bak in kan mah holh hi Chin common holh ah kan hman awk a si tiah an chim rel cio a si.cun Chin mipi nih zei bantuk dah Chin mi vialte hna common holh ah cun kan hman khawh lai tiah cuanh cio le mah le si tawk in ruah khan cio a si.
Mah konghe pehtlai in Laimi/Chinmi kan buai nak a hrampi hi buaiphu cu a si hrim ko.asinain mipi nih kan theih awk cu kan mah ti mi thinlung hi kan thlau awk a si.zeicahtiah cun kei mah ti mi lungput kan neih ruangah Chin mipi nih a tu tiang holhhrawm mi common holh taktak kan neih khawh lo nak hi a si.cun Chin nationalism zong hi t’ha tein kan ruah awk le kan tuaktan a herh fawn.a tu kan dir hmun ah cun Chin miphun huap in common holh bak vun ser awk ah cun t’ihnung ngaingai mi a si fawn.
Chin mipi nih a zei dah mipi hrawm khawh mi holh kan hman lai tiah kan buai cuahmah lio ah ruahchan nak lianpi he (All Society Yangon) nih cun june thla ni 22 ah khan Yangon khuapi chungah Chin mipi nih holh hrawm khawhmi zei tal kan nei kho hnga maw tiah ton biaruahnak an nei cang tiah theih a si.hi ton bairuahnak konghe pehtlai All Society Yangon nih cun ruahnak cheutu dingah mi sawm mi hna an nei i cu hna cu Paletwa myone in Bishop Man Lung sawm a si.
Cun Falam myone in U Than Hup sawm a si i Tedim le Tawnzaang myone in Dr.Thang Za Tuang a si.cun Ashio Chin lei in Salai Tun Hlaing, Matupi myone lei in U Ro Sang. Mindat le Kanpalet myone in Rev.Dr.Thang Zaw hna sawm chih an si tiah an chim.cun,All Society Yangon Secretary a t’uantu U Nai Thang nih cun Chin miphun vialte hna nih holh i hrawm khawhmi zei hmanh kan neihlo ruangah lungthin dangdang kan neih nak cu a si bik tiah a chim.cun hi thil kan tuah nak ah mi zei holh hi dah mipi nih an hman cem mi a si ti kan zoh lai.
Cun Chin Multi Dictionary chungah cun Mirang holh in “Girl”ti mi biafang kan chiah lai i cucu Chin state chung vialte nih zei tin dah an kawh?an kawh nak holh kha zei holh dah a si timi kan zoh lai i a tam cem mi holh tang teah cun “CHIN” timi colum kan chiah peng lai.cu tibantuk in kan tawlrel lai.ramleng/ramchung um Chin miphun vialte hna nih hman awk t’ha dingin Chin Multi Dictionary zamhnak kan tuah lai tiah an chi.
Note: freechinland Website nih a t’ial mi tam deuh in theih le rel na duh a si ah cun a tang teah link kan chiah mi hi ram click piak law tam deuhpi in rak rel te?nang te zei tin dah na ruah ning le na hmung ning a si ve?
