Chin State Cozah Nih Matupi Mipi Pawl Hi Zei Tin Dah A Lehte Hna Hnga ?

Chin State cozah nih cun Matupi District zung Office cu Matupi khua chungah si lo an khua leng deuh ah sak a timh ruangah Matupi mipi hna nih Yangon khuapi chungah biatak tein an duhlonak an langhter tiah theih a si.cun hi konghe pehtlai in a ra lai mi june 28.2019 zan lai suimilam 3-5 karlak ah Yangon, Su Le Phaya pawngah duh le duhlo nak langh ternak tuah t’han a si lai tiah an chim.

Cun,Matupi District zung Office sak nak konghe pehtlai in Yangon, Su Le Phaya pawngah duh thim nak tuah an timh mi konghe pehtlai in Matupi ramkulh lei in minung 20 cu thim an si i an dihlak tein Yangon an rak phan dih cang tiah an chim.cun, Mandalay Sianghleirun a kai cuahmah mi hna le Matupi Siahngakchia chungin zei maw zat hna zong an i tel chih fawn lai tiah an chim.

 

 

Hi duhthimnak an tuah dingmi konghe pehtlai in an herhmi tlun-kal nak vialte an dihmi hna cu t’uanvo neitu lei sin ah Ca tein pek hnu ah t’uanvo neitu hna nih tawlrel piak an si lai tiah an chim fawn.cun hi duhthimnak an tuah nak chung ah minung 150 tluk itel dingin tuaktan a si.hi konghe pehtlai in t’uanvo neitu le an hruaitu a si mi Salai Thang Thang ti mi nih cun Matupi District zung Office sak dingmi kongah voi 3 tiang bak Chin state cozah sin ah kan duhlonak kan langhter cang tiah a chim.

Asinain cu tibantuk thil kan tuah mi cu Chin state cozah nih zei hmanh ah an kan rel piak lo.biaruahnak le kan duh nak zong zei hmanh an kan hal duhlo i an thabak tik ah an mak ve te ko lai tiphun in an kan um hnawh.cucaah media a cah nak Yangon khuapi chungah hi tibantuk in Chin state cozah cungah kan duhlonak langhter in tuah t’han kan i timh mi cu a si tiah a chim.Matupi khuapi chungah hin Chin cozah nih District zung Office cu sak an tim lo i Matupi khuapi in a hlat nak hmun meng 8 tluk ah District zung Office cu sak an timh.

Cu ruangah Matupi mipi a tam u hna nih cun District zung Office cu an khuapi chungah sak si seh ti an duh i khua leng ah sak an duhlo ruangah Chin state cozah sin ah an duhlonak langhter t’han dingin june 28.2019 ah biatak tein au khuan t’han an i timh nak cu a si tiah an chim.

Credit: Free

Author: Salai Ephraim