Chin State Zungpi Hakha Um Cu Kah A Si Caah Ralhrang Minung Pathum Thah An Si

Hakha khualipi ummi Chin state zungpi an kah i ralhrang pa 3 an thi.Chin state Hakha khualipi ah ummi Chin state cozah zungpi cu 4/9/2021 sml 11:45 tlukah hriamtlai bu pakhat nih an kah caah SAC ralhrang le tuanvo ngeitu pakhat telh in ralhrang pahnih an thi tiah theih asi.

Chin state zungpi le cozah riantuan hna umnak inn karah bomb an puah hnuah SAC ralhrang lei he tiah kaphnih kahdohnak mintes 10 tluk an tuah hnuah hriamtlaiphu hnung an tolh tiah theiha si.Mahti kaphnih kahdohnak a chuah hnuah SAC ralhrang lei tuanvo ngeitu cu meithal kuan khennak in a hmun ah athih hi si tiah an langhter chap.Chinland 7 post

 

Relchap:USDP party nih cathanh an chuah.Ralkap tanhtu an si bantuk in USDP party chungtel thah mi an tam pin ah CRPH le NUG cohlan lo dingin ramchung ramleeng he campaign minthut an tuah.

Cu chungah CRPH le NUG kan herh lo tiah comment tial mi le minthu mi hna min le umnak khua an langhter i cu chungah Chin Miphun kan i tel lo.Chin miphun hi nawl ngai mi miphun kan si.

Zeidang ah kan lung aa rual lonak tete cu a um ko lai nain Federal uknak hmuhnak le ralkap tha lo hrawhnak caah cun kan lung aa rual ko tihi hmuh khawh asi.CDM lut mi zongah Chin miphun kan tam bik.

Ralkap nih rian an call mi a sok mi hna peng le ram lak zongah Chin Mi kan i tel lo, kan sok lo.USDP nih NUG le CRPH cohlan lonak campiagn tuah mi zongah chin miphun kan i tel lo.Zohchun tlak chin miphun kan si hrim ko.

Credit: Lai Ram Laipa