American ram le China ram hna hi caan saupi an i er-tau cang,an pahnih remdaihnak ser cu an duh veve ko na in remdaihnak vun ser khawh nak ding caah pakhat duhnak zulh piak ding an i herh tuk veve caah a tu tiang hi an i rem kho bak loh!Naite ah khan American nih a neih mi a hriamnam hna lak in zei maw zat ralthuam cu Taiwan ram sin ah zuar a timh,American nih cun ka hriamnam hna cu Taiwan ram sin ah ka zuar lai i China ram nih zei hmanh soisel nak le a rak i thlak len ve awk a si lai lo tiah a rak chim bal cang.
Cun,American nih Taiwan ram sin ah a hriamnam zuar a timh hlanpi ah hin China nih cun American ram sin ah na ngeihmi hriamnam hna cu Taiwan ram sin ah pakhat hmanh rak kan zuar piak hlah tiah nawl patnak a rak tuah cang. asinain American nih cu thil a theih ko bu bak in a hriamnam cu Taiwan ram sin ah zuar chih a timh tik ah China cu a tur bak in a tur ve ko cang.American nih ka duh lo mithil a theih ko bu ah hi thil an tuah chih a si ah cun American le China ramdeihnak ser vun chim lo,cu hlan ah China ram chungah American muisam keng thil vialte hna leAmerican le China i pehtleih nak kan rak ngeih mi vialte hna cu kan chah dih lai tiah China nih a chim.
Chinese foreign ministry biachimtu Geng Shuang nih cun American le China cu kan karlak ah thil t’halo um hmanh sehlaw,American le China cu a rem lo mi le a ral taktak mi kan si tiah chim awk a t’ha loh,ram khat le ram khat kan i pehtleih nak cu a cat ti ko hmanh usih law,a ram min in kan chim a si ah cun tuchun ni tiang China le American cu rian kan t’uant’i cuahmah peng ko.zeicahtiah American ram mi zong China ram ah mi tampi nih a ran i chaw an let.cu ve bantuk in American ram chungah China ram tampi hna nih cun rian an t’uan i chaw an let ve.
American nih China ram nih a duh bak lo tiah a theih bu in Taiwan ram nih an sin ah hriamnam cawk dingin a hal hna i US State Department nih Taiwan aw-kaa cu an rak cohlan hna pin ah 108 General Dynamics Corp M1A2T Abrams tank le 250 Stinger missile bomb cawkter dingin biachahnak an tuah mi cu China cungah American nih zei taktak hmanh ah an rak kan rel lo ti an langhternak a si caah American nih Taiwan sin hi hrimnam a pekchanh ni cu American le China i pehtleih nak cu zei taktak hmanh nganlo in China nih kan chah dih ve lai tiah a chim.
Source: BBC