American nih Taiwan ram sin ah a hriamnam cawlter a timh hnu in China le Taiwan ram karlak a linsa ngaingai.China nih cun American sin ah nawlpatnak a rak tuah mi cu Taiwan sinah hin na hriamnam zei hmanh na cawlter awk a si lai lo tiah a rak chimh.asinain American nih cun Taiwan ram kongah China nih zei thil hmanh na tuah awk le Taiwan ram cungah ningcang lo in na um awk a si.American nih Taiwan sin ah zuar kan timh mi hriamnam hna cu a mah ram aa humhim khawh nak ding caah cawkter kan timh mi a si.cucaah rak i thlak hlah tiah a leh.
China cozah nih cun a ralkap hna le a hriamnam t’ihnung tampi hna he Taiwan Strait rili ah an um paoh in an tlawng leng.cun, Taiwan Strait rili umtu ning le Taiwan ram chung thil sining hna cu biatak tein a ngiat thli hna tiah an chim.hi konghe pehtlai in Maritime safety agency pawl hna nih cun Taiwan cozah nih zei ti maw in China a leh a si ah cun China nih Taiwan ram kah dingah timhcia in an um peng tiah an chim.
Cun, Taiwan cozah zong nih China he i kah dingin timhcia a si pin ah Taiwan ram chungah a um mi Taiwan state zei maw hna nih cun Taiwan cozah sin ah an mah tein i uk khawh nak nawl (independence)lak a duh mi an rak um ve.cu hna pawl zong nih Taiwan cozah sin ah independence an hal a si ah cun an mah le an mah lak ah Taiwan ram hi a buaibai kho mi a si fawn tiah an chim.Taiwan ram chunga mipi hna thinlung a rawktu hi China a si.
China nih Taiwan ram cu a mah nawl ngeihnak tangah chiah a duh nak caan hi a sau ngai cang.asinain Taiwan nih a duh ve lo ruangah kaphnih ram hna cu zei tik caan paoh ah a kap/doh kho mi dir hmun ah an um peng.China nih Taiwan ram hi a kut tang a chiah khawh nak ding caah cun thazaang hmangin kah a duh peng hna.Maritime safety agency pawl hna nih an chim ningah cun a tutan ah China nih a ralkap Taiwan rili ah a luhter mi hna hi a cozah ralkap chungin zei bantuk ralkap dah an si tiah theih khawh an si rih lo tiah an chim.
Taiwan defence minister nih cun China cozah nih kan ram chungah a cozah ralkap a luhter mi hna cu Taiwan ram chungah a zei ti hmanh in an lut kho lai lo.zeicahtiah an mah vengtu dingah Taiwan ralkap a za tawk in kan ngei ve ko tiah a chim.
Source: BBC
